Thursday, October 11, 2012

မြင်တော်မူ

ဆွေးဘက်ကယ်ကြုံ
ဖော်မစုံဘုံဘဝ
ပူကြွဗျာဝေ
ခြေမခိုင်
ရင်ယိုင်ခဲ့လို့
လှိုင်ဝဲတဲ့ဆွေးမပြေ
ဆွတ်ပျံ့လွယ်နှင်းတွေနှင့်
အညာမြေနွေအကူးမှာမှ
သွန်းတဲ့လေပြေ
အံခဲကာ
အလံလှဲရတယ်
မြေခဗျာပွေ
ပျက်ကြွေဖွယ်ဘနန်း
ဘဝအဖုံဖုံ
စုကျတယ်
အလွမ်းဘုံက
ကြယ်ကြွေကုန်မျှော်ကာတွေးသော်လည်း
ကျောမလုံ
ပူအုံကြွသူအတွက်
ကျွေးဝဋ်သစ်ဖြန်း

                                                မောင်ရေခဲ

 

တိမ်လွှာမဲ့တမ်းချင်း

                  အပြင်မှာမိုးတွေရွာနေပြီအမေ ....
                                           ထစ်ချုံးရိုင်းစိုင်း ......
                လေနီရိုင်းတွေနဲ့အတူတူ .....
မိုးရွာပြီဆို အမေ ပြောပြောနေကျစကားလေး .....
                                                 သားကြားယောင်နေ ....
               သားရယ်
" မိုးဆိုတာ ငြိမ်းချမ်းခြင်းရဲ့ သင်္ကေတ  
               အေးမြခြင်းရဲ့ သင်္ကေတ " လို့အမေပြောခဲ့တယ်နော်  ၊          
                                                           ခုတော့ အမေရယ် .....၊
အပူရောင်လွှမ်းပြီး ၊ နွမ်းလျ  ၊ အမေ့ကိုပဲ သတိယနေတယ်လေ ...၊ ခုဆို အမေကော ...
         သူတို့ပြောတဲ့ ကောင်းကင်ဘုံမှာပျော်နေမလား  ၊ သားကိုသတိယနေမလား  ၊ ဒါမှမဟုတ် မေ့နေမလား  ၊ သားကတော့ ငယ်ငယ် အမေချော့သိပ်နေကျ စကားလေး...
 " မိတ္ထီလာကန်တော်အောက်က ဖားကောက် ခဲ့ပါ "  တေးလေး ...၊
ကြားယောင်ရင်းအိပ်ပျက်ညတွေနဲ့ ရင်းနှီးနေပြီအမေ  ၊ အမေ့ကိုလွမ်းတယ်အမေရယ်...
             ငယ်ငယ်ကဆို   " တော်တော်ဆိုးမယ့်သား "  " သားဦးစနေဆိုတော့ ဒီလောက်တော့ရှိမှာပေါ့ "
ပတ်ဝန်းကျင်ရိုက်ခတ်တဲ့စကား ...အမေ့နားမှာ အံမဝင်ခဲ့ဘူးနော်  ။
 " ကျုပ်သားက ဆိုးတာမဟုတ်ပါဘူးတော်  ၊ လူမှန်တော်ရေ ... ရမ်းကားတာမှမဟုတ်တာ  ..၊ သူတို့က
ဘာသွားလုပ်မှန်းမှမသိ  ၊ ဖြစ်လာတော့မှ ကျုပ်သားကိုအပြစ်ပုံချတာ " လို့ အမြဲပြန်ချေပ တတ်တဲ့အမေ
သားဘက်မှာအမြဲရှိတဲ့အမေ ၊ ခုကော
            ကောင်းကင်ဘုံကနေ အမေ ငဲ့ကြည့်နေမလား    ၊   မျက်နှာမဲ့ပြီးကဲ့ရဲ့နေမလား   ၊
" ဒါမှအမေ့သား " လို့ ဟစ်ကြွေးနေမလား....၊ သားသိချင်တယ်အမေ
            ခုတော့
                     မရိုးနိုင်တဲ့နေရက်တွေကြား  ၊ သားအရင်လိုမဆိုးတော့ပါဘူးအမေ ၊ အမေပြောတဲ့စကားတွေ ပြန်ကြားယောင်ရင်းပေါ့ 
" သားရယ်
        ဆရာတော်တစ်ပါးရေးထားတဲ့စာသားလေး အမေပြန်ပြောပြမယ်နော် ၊
 အမေ..၊အဖေ ..၊ ဆွေမျိုး  ၊မိတ်ဆွေတွေ ပြုလုပ်မပေးနိုင်တဲ့ အရာ ..တစ်ခုရှိတယ် 
                အဲဒါကတော့ စိတ်ထားကြီးမြင့်အောင် ကျင့်ကြံနေထိုင်ခြင်းပဲ သားရဲ့  ၊  ဒီတော့ သားရယ်
လိမ္မာအောင်နေပါ  ၊ ယဉ်ကျေးစွာဆက်ဆံပါ  ၊ ဒေါသနည်းအောင်လဲနေနော် ၊ အရာသည်းခံ စိတ်လေးနဲ့
နေကြည့်ပါလားသားရယ် "
            အမေ့စကားသံတွေ ရင်အုံရိုက်ခတ်တိုင်း ဘာသာရေး အသိတွေ တစ တစ ဝင် ၊ သားလိမ္မာအောင် သင်နေပါတယ် အမေ ၊
            တစ်ခါ တစ်ခါ ဘဝကို ဒုံးစိုင်း မြင်းရိုင်း တစ်ကောင်လို့ စေ့စားပစ်လိုက်ချင်ရဲ့ ၊ အမေ့ရဲ့ စကားသံ
တွေအတိက် ကနေ ဆွဲမခေါ်ဖြစ်ရင်ပေါ့ ၊
            " လူမှန်ရင် အပူဒဏ်ဆိုတာ
လူတိုင်းခံစားရတတ်တာပဲလေ သားရဲ့  ၊  ငါ့ကျမှ ကွက်ပြီးခံစားရတယ် " လို့တွေးမိရင် ဘယ်လူပီသတော့
မလဲ ၊ "
               " မြေကြီးဆိုတာ လူတိုင်း အနင်းခံ ရတာပဲလေ ၊ သူနင်းလို့ ငါနာလိုက်တာ ၊ သူ့တွင်းကြောင့်
အလှတွေ ဗလာကျင်းသွားပြီ " ဆိုပြီး မညည်းညူးဘူး ၊ ဒီတော့သားရယ်
                     ဒုက္ခ သုက္ခတွေ သားတစ်ယောက်ထဲ ပဲ ခံစားရတယ်လို့ မတွေးနဲ့လေ ..၊ 
       သြော် ငါ့လို ပဲ ခံစားရတဲ့ သူတွေလဲ မနည်းမနော ပါပဲလား လို့ တွေးပြီး
လုပ်စရာရှိတာဆက်လုပ်      ၊       သားလုပ်ရင်ဖြစ်မှာပါ သားရဲ့
ကျနော့်ကိုအားတွေ ပေးခဲ့တဲ့အမေ ၊      သတ္တိတွေ ပေးခဲ့တယ်အမေ ၊   လွမ်းတယ်အမေရယ် ....
                                        " နွေ၏အလွန်
                                         မိုးငွေ့သွန်းသော်
                                          ကျနော်အိမ်ပြန်ရတော့မည် " (ဆရာနွမ်ဂျာသိုင်း)
 ဟုတ်တယ် အမေ  ၊  ဒီချိန်ပဲ   သားတို့နဲ့ အမေဝေးခဲ့ကြတာ ၊  သားတို့ဆွေးခဲ့ကြတာ   ၊
မိုးကိုချစ်တဲ့အမေ   မိုးရေစက်တွေကြားမှာေ  ပျာက်ကွယ်ခဲ့တယ်   သူတို့ကတော့ပြောတယ်
မင်းတို့အမေ မင်းတို့ကိုထားသွားပြီ  " တဲ့
သားမထင်ဘူးအမေ   ၊  အမေခုထိ သားအနားမှာရှိတုန်း  ၊  နွေထွေးနေတုန်း  ပါ  အမေရဲ့  ...
                    အမေ့စကားတွေကသက်သေပဲလေ ....
အလွမ်းတွေ မခမ်းသေး သရွေ့ ရောရမ်း ပြီး  မိုးတွေကိုကျိန်ဆဲနေလို့လားမသိဘူး
မိုးစက်တွေတောင်ဆဲလုလု    ၊     ည ကာလ ဟာ
ကြယ်မစုံသလို လေတစ်ချက်သွေ့ရင်တောင် ချောက်ခြားမှု့တွေနဲ့ဖွဲ့သီနေတယ် ၊
စိတ်ကိုစိတ်နဲ့ပြန်ထုထောင်း ရင်း 
အတိတ်တွေကိုဆွဲခေါ် 
သားပျော်တတ်အောင်နေပါ့မယ်အမေ
            
                                                                    မောင်ရေခဲ
                                                     
  




Monday, October 8, 2012

အဖေ တစ်ယောက် ရဲ့ ဖွင့်ဟချက်

သားကြီးရေ 
                         သားတို့သမီးတို့အရွယ် အသိ မကြွယ်ခင်ကတည်းက ...အို ...မဟုတ်သေးပါဘူး ...
မင်းတို့ အမေ ဗိုက်ထဲကို စတင်ဝင်ရောက်နေပြီဆိုတာ သိကတည်းက ..မေတ္တာဆိုတဲ့ဝေါဟာရ အဖေ့ရင်နဲ့ မဆံ့အောင် ပြည့်သိပ်နေလွန်းလို့  ပါးစပ်ကနေတောင်ဖွင့်ဟ မထွက်ခဲ့ပါဘူးကွာ ...
           
          အဖေကတောသားကွ တောမှာမွေး တောမှာကြီးခဲ့တဲ့တောသား ပညာလဲမတတ်တော့ မင်းတို့လို
စကားလုံးလှလှလေးတွေတော့ မပြောတတ်ပေမယ့် တောရိုးရာ တောယဉ်ကျေးမှု့တွေဖြစ်တဲ့ ရိုးသားမှု့နဲ့
ပွင့်လင်းမှု့ကတော့အဖေနဲ့ တစ်သားတည်းပါပဲ  ။
        
            တကယ်တော့သားရယ် အမေကပဲ ငါ့သားကိုချစ်တယ်လို့တော့ ငါသားမထင်လိုက်ပါနဲ့ ကွာ...၊
အဖေက မင်းတို့ကိုချစ်တဲ့အကြောင်း မေတ္တာတွေအပြည့်အဝရှိတဲ့အကြောင်း မပြသတတ်ခဲ့လို့ပါ ...၊
ပြီးတော့ မင်းတို့စားဝတ်နေရေး ပညာရေးတွေအတွက် လူတန်းစေ့နေနိုင်ဖို့အတွက် 
အဖေကြိုးစားနေရင်း  အိပ်မကပ်နိုင်တဲ့ အဖေ့အပြစ်တွေပါသား  ဒီတော့သားရယ်အဖေလဲ
လူသားတစ်ယောက်ပဲကွ မိသားစုရဲ့ နွေးထွေးမှု့တွေအောက်မှာ အေးအေးဆေးဆေး နေပြီးအလုပ်လုပ်
ချင်တာပေါ့ကွ ဒါပေမယ့် မင်းတို့ရဲ့အရွယ်တွေက တဖြေးဖြေးကြီးလာကြတယ် ပညာတွေတတ်ချင်ကြတယ်
အဝတ်စားလှလှတွေ ဒီဇိုင်းဆန်းဆန်းတွေ ခေတ်ရဲ့ရေစီးတွေထဲမှာ မင်းတို့ရှိချင်တာ သဘာဝကျပေမယ့်
အဖေကတော့ မင်းတို့ ပညာရေး မိသားစုအရေးဆိုတာတွေ လုံးပန်းရင် အိမ်နဲ့ဝေးသထက်ဝေးခဲ့ရတာ
ပဲလေ ၊ ဒါတွေဟာ အဖေ ပေးတဲ့ မေတ္တာတွေပဲမဟုတ်လား ....။  ဒါပေမယ့်
               
              မင်းတို့လေးတွေ မိကောင်းဖခင် သားသမီးပီသတဲ့ အတွက်အဖေ ဂုဏ်ယူတယ်သားရယ်...
“ မိကောင်း ဖခင် ” ဆိုတဲ့ မြန်မာစကားလေးကလဲ ထူးထူး ဆန်းဆန်း ပါကလား ...။ မိခင်ကောင်းမှ အဖကို
ခင်တာ တဲ့  ၊ မင်းတို့အမေကိုလဲ အဖေ အမြဲပြောလေ့ရှိတယ်လေကွာ  “ ကျေးဇူးတင်ပါတယ် ” လို့ပေါ့
မင်းအမေကတော့  “ မလိုပါဘူးတော်ရယ် ” လို့ပြောပါရဲ့ အဖေကတော့ ပြောမိနေမှာပဲဟေ့ ....။
               
               မိခင်က ဘာသာရေးနဲ့ပက်သက်တဲ့ ဗဟုဿုတတွေ ၊ လူမျိုးနဲ့ပက်သက်တဲ့ ယျဉ်ကျေးမှု့တွေ 
လောကတောထဲကို ဘယ်လိုတိုးဝင်းရမယ်ဆိုတဲ့ လမ်းညွန်မှု့တွေ ၊ ပြောပေးမှ  လုပ်ပြမှ  လမ်းညွှန်မှ 
အဖေကိုလည်း ချစ်တတ်အောင် ပြောပေးမှ ...၊ ဒီလိုပြောလာခဲ့လို့ သားတို့ သမီးတို့ဟာ မိကောင်း ဖခင်
သား သမီးတွေအဖြစ် မြင်တွေ့ခဲ့ရတာမဟုတ်လား ...၊ မေးစရာတော့ရှိတာပေါ့ သားရယ် 
အဖေကကော ပြောပေးလို့မရဘူးလား ..ပေါ့ ။  ဟာ   ...ဟေ့  ...အယ်လိုမဟုတ်ဘူးသားရေ..
အဖေအိမ်ရှိတဲ့အခါတိုင်း  ၊ ထမင်းစားဝိုင်းမှာတွေ့တိုင်း ၊ ဘဝကိုဘယ်လိုရင်ဆိုင်ရမယ် ၊ဘယ်လိုရည်မှန်း
ချက်တွေနဲ့ လျှောက်လှမ်းသင့်တယ် ၊ စ တာတွေ အဖေတို့ဆွေးနွေးခဲ့ကြဖူးတယ်မဟုတ်လား ကွ
            ဆိုလိုတာကတော့ကွာ  မင်းတို့နဲ့ အနီးစပ်ဆုံး ရင်ခွင်ဟာ မင်းတို့အမေ ရင်ခွင်လို့ပြောချင်တာ
ပါပဲသား  ၊ ဒီတော့ အမေကပိုပြီးပြောပြ မေတ္တာတွေပြသ ဖြစ်တာပေါ့ ၊ တစ်ချို့ မိသားစုတွေ ကြတော့
အဖေ့ရင်ခွင်က   ပိုနီးစပ်ကြတော့ အဖေကပြောပြဖြစ်တာပဲလေကွာ အဖေဆိုတော့ လစ်ဟင်းမှု့တွေ 
ရှိတာပေါ့ ၊ စီးပွားရေးလဲ ရှာရ ဖွေရသေးတယ်မဟုတ်လားသားရဲ့ ..။
အဲဒီတော့ အပြစ်မဆိုသာဘူးပေါ့သားရယ် ၊ ဘဝပေးအခြေအနေတွေကွဲပြား ကြတော့လဲ ဒီလိုပဲနေကြ
ရတာပဲလေ ၊ အဖေပြောချင်တာကတော့သားရယ် “ ငါ့ အဖေ က ငါ့ကိုမချစ်ပါဘူးကွာ ” လို့တော့
မင်းဘယ်တော့မှမတွေးလိုက်ပါနဲ့ကွာ အဖေ ရင်နာလွန်းလို့ပါ ...............................။    ။    ။

                                                   
                                                                                            မောင်ရေခဲ

               
  

Friday, October 5, 2012

ထွေးအန်ခြင်း

စပ်မိစပ်ရာဆိုမှတော့
စပ်မိစပ်ရာရေးတော့မှာပေါ့လေ
ကိုယ်က  တစ်ခါတစ်ခါ နဂါးခေါင်းဘယ်ဘက်လှည့်မှန်းမသိတဲ့အကောင်ပါ
တစ်ခါတစ်ခါ အလွမ်းတွေအန်ချကြည့်လိုက်  ...။
လက်တန်း ရွက်လို့ရနေတဲ့ဘ၀ ကို ခေါက်ရိုးချိုးကြည့်လိုက်နဲ့ နေ၀င်မိုးချုပ် ခဲ့ရတဲ့ တိမ်သားလွှာပါးပါးအောက် မမြင်ရတဲ့မျက်ရည်တွေကိုလဲ တဝေါဝေါ ပေးကန်းနေရဲ့
ကိုယ်ကအချစ် ..အလွမ်း ...စတဲ့ သဘာဝ နိယာမတွေကိုမေ့ထားချင်သူပါ
ငုတ်တုတ်ထိုင်ပြီး ဘ၀ဆိုတာသရုပ်ဖော်ဖို့ကြိုးစားကြည့်တော့
ဟိုသစ်ပင်ကယိမ်းလျက်ဟားတိုက် ...ဟို မျောက်လောင်းက မျက်လုံးပြူးပြလိုက်နဲ့
အဲဒီလိုအခက်အခဲတွေကြား ကိုယ်က ငှတ်တစ်အုတ်ကို အလွမ်းသတင်းပို့လိုက်ချင်သူပါ
ခက်တာက ငါနားမလည်တဲ့ဘာသာရပ်အတွက်ခပ်နက်နက်ပုစ္ဆာတွေကိုငါ့ကိုမမေးပါနဲ့
ငါမဖြေချင်လို့မဟုတ်ပါဘူး ။ အကယ်လို့များ ...အကယ်လို့များပေါ့လေ..
ကိုယ်ဖြေနိုင်ခဲ့ရင် ပုစ္ဆာတွေထုတ်တဲ့ ..မင်း ..မျက်နှာအရှက်ရမှာစိုးလို့ပါ .....။။
        

                                                               မောင်ရေခဲ


အနင်းခံ

** အစွန်းထောင့်ကျတဲ့
    တိမ်သားတို့ အတောင်ခတ်ချိန်မှာ
    1500.နောက်ကွယ်ကဝေဒနာတစ်ခုက
    ယုယုယယနဲ့ဖွင့်ဟတယ်
    ငါ ပခုံးနာပေမယ့်ကျေနပ်တယ် ..တဲ့  

** အသားမကျသေးတဲ့
     ခွေးကလေးက အလိုက်မသိခပ်ယိယိနဲ့
     ခပ်ကြမ်းကြမ်းဝှေ့ရမ်း
     အစိမ်းရောင်ဒြဒ်မဲ့သူကိုတောင်
      အပြစ်တင်လိုက်သေး ...။
      တကယ်ဆို မသိ မလိုက် မသိဘာသာနေတာ
      အရာရာအေးချမ်းမယ်ထင်ပါ့    ။

**  ရှေးဖြစ်လူပြောများတဲ့
      ချစ်တယ်  ..ဆိုတဲ့စကား က
      ခုတော့
      အားအားယားယားရှိနေလိုက်တာ
      ငါ့မှာ
      ကုန်းကောက်စရာမရှိအောင်
      မွဲ  ပြာ ကျ
      အတ္တဆိုတောင်အရောင်မဲ့နေပြီ ...။

** အနာမကျက်သေးတဲ့ သစ်ပင်
    ဘ၀ရဲ့ရစ်ချည်ခံနှောင်းကြိုးတွေကို
    သူ ဒီလို ပြောလိုက်တယ်
    မင်းတို့ရဲ့ နု သစ် ဖူး ရစ်
    ခေတ်သစ်ဒီရေတောမှာ
    ငါ မပါတဲ့အနာဂတ်လှေ
   ကျေ ကျေ နပ်နပ်လှော်ပါလေ ....တဲ့ ။

** သူ့အနာဂတ်တွေ မြေလှန်
    အိပ်မက်အလှအဘိဓာန်ကတော့
   (သူ့အတွက်)
   ခုထိအိပ်ကောင်းတုန်း
    တစ်ရုံးရုံးနဲ့ချီတက်လာတဲ့ မာယာကျော့
    ငါသတ္တိတွေမရော့တော့ပါဘူးလို့ပြောချင်တယ်ထင်ပါရဲ့  ...။

                                                        မောင်ရေခဲ


Wednesday, October 3, 2012

လိပ်ပြာ အမှတ် (၁)

            ( ၁ )
ရင်ရစ်ဝဲနေတဲ့ လိပ်ပြာငယ်
ဘယ်ဆီဝယ် ဘယ်ကမ္ဘာမှာလို့
အဆိုမသွင်း ချင်ပေမယ့်
အေး မြ လင်း သစ်
ချစ်ခြင်းပြည့်ကမ္ဘာတစ်ခု
ပြီးတော့
ကဗျာတစ်ပုဒ်
ရင်ဘတ်က အတ္တစစ်တပ်ကိုရုပ်သိမ်းပြီး
မင်းကိုပေးချင်တယ်
အရုပ်တွေနဲ့ ကြွယ်ဝနေတဲ့
ဟောဒီကမ္ဘာလောကကြီးမှာ
ငါ့ ကိုယ် ငါ အရုပ် အဖြစ်ဖန်ဆင်း
နင် သွားလိုရာ ....
နင် ထားလိုရာ .....
အရာရာပြည့်စေဖို့
ငါ  ...
ရင်ဘတ်သွေးထားတယ်  ။

      ( ၂ )

ချစ်သောလိပ်ပြာငယ်
အေးချမ်းတည်လှတဲ့ရုပ်သွင်
ထာဝစဉ်
ပြည့်စေသား
ငါ ..ဆုတောင်းပေးမယ် ..။
မီးတောက်တွေတလွင့်လွင့်
ခပ်ရင့်ရင့်အတ္တတွေ
ရင်ဘတ် နဲ့ ဆုပ်ကိုင်ပြီး
ထုပ်တိုင်ထက်မှာ ..
ဆုတောင်း အမှားဆိုတာမျိုး
ရင်ပြရိုးမှာ မထားပါရစေနဲ့
စစ်ဘေးတို့ သင့်တတ်ရာ
ဟောဒီ မြေကြမ်းပြင်မှာ
ဆွတ်ပျံ့ လွယ်အေးမြမှု့ မျိုး
ဖြစ်ရမှာ စိုးလွန်းလို့ပါ   ။


   ( ၃ ) 

ချစ်သောလိပ်ပြာငယ် 

 ဆယ်သက် ဆယ်ကမ္ဘာ ချစ်မယ်လို့ 

သူတို့ပြောကြတယ်

ငါမပြောတော့ဘူးနော်
တကယ်ဆို
 ငါ့ ..  ရေတွင်းအိုက
 နင့်ကြောင့်သစ်လွင်ရတာပါ
နက်ဖြန်ဆိုတာက
ပြန်ပြေးဆွဲခံရတဲ့လူတစ်ယောက်လို
ငါတို့ကိုကယောက်ကယက်လုပ်တတ်တယ်လေ  ။

         ( ၄ )

အို ကံကြမ္မာ ...
ငါ့ ကို ငဲ့  ပါ
 ငံ့ လင့်ပါ
တကယ်ဆို စခန်းမသင့်လို့ဝေးကြတာပါလို့
ဆင်ခြေတွေနဲ့ငါ့ကိုမချည်နှောင်ပါနဲ့
တိမ်တောက်ချိန်ဆိုရင်လဲ
ရွှေအိုရောင်တွေသုံးပြီး
အိပ်မက်အသေတွေမပို့ပါနဲ့
ကံကြမ္မာရေ
ဒီမှာ ...
လက်ကျန်မိုးတောင် ခိုးခိုးရွာနေရလို့ပါ
   ။

  ( ၅ )

ချစ်သောလိပ်ပြာငယ်
အိပ်မက်မှိုင်းပျပျအောက်မှာ
ရောက်ရာပေါက်ရာ
ငါ သွားရမယ်ဆိုရင်
နင့် ရဲ့ ဘေးမှာရစ်ဝဲ
ဝိညာဉ်တွေအသံမဆဲသေးတဲ့
ကိုယ်ရံတော် အရိပ်ကလေးပဲဖြစ်ချင်ပါရဲ့  ။
 

   

 ( ၆ )

ချစ်သောလိပ်ပြာငယ်
လည်ဝယ်ရာ
နယ်ပယ်မှာ
အပျော်တွေငယ်ထိပ်တက်
တရိပ်ရိပ်ပျော်ရွှင်နိုင်ပါစေ
အပျော်တွေရစ်ဝဲ
အချစ်ကမ္ဘာထဲကထွက်မြောက်
ငါ့ ကို မေ့ပျောက်နိုင်ပါစေ
ကမ္ဘာကြီးကျဉ်းချုံ့ရာ
ဂြိုဟ်သားများရဲ့ကမ္ဘာမှာ ပျော်ရင်း
အခင်းအကျင်းအပြည့်အစုံနဲ့
ရပ်တည်နိုင်စွမ်းတွေနေသားတကျနဲ့
အတိတ်ဒဏ်ရာတွေအနည်ထိုင်ပါစေကွယ်...။
                                 
                                        

                
              မောင်ရေခဲ
                                                                      15/9/2012





" ငါ " မဲ့

**အိပ်မက်
   အိပ်ခက်တယ်ကွယ်
   ခပ်နင့်နင့်ဝေဒနာ
   အဖြေရှာတော့
   သေချာတာက
   အိပ်ပျက်စေခဲ့တာပါပဲ  ။
** အရောင်တောက်တောက်အတ္တ
     ချ
     ရလာဒ်တွေအဖြစ်
     ငါ့ကိုယ်ငါ လူပြန်ဖြစ်စေခဲ့တယ်  ။
**  ညဥ့်နက်နက်
     အဆင်းပျက်ခြင်းးတို့ရောင်ပြန်ဟပ်
     ယူဇနာထောင်ပေါင်းနက်တဲ့
    ချောက်ကမ်းပါးကိုလက်ပြန်လျှိုတယ်  ။
**  ကွယ်
      ရပ်တည်ခွင့်မရ
      လင်းလက်ခွင့်မရနဲ့
      အမှောင်ထုကိုပဲလက်ဆက်မိမှာစိုးပါရဲ့ ..။
**  အဲဒီအချိန်မှာ
      ငါဟာ  ငှတ်တစ်ကောင်
      ပျံသန်းဆဲငှက်တစ်ကောင်
      ယောင်ယောင်မှားမှား
      ပူ အေး စံ ကံ ကမ္ဘာကြား
      အကြိမ်ကြိမ်လမ်းမှား
      လမ်းသလား နဲ့
**  သြော်
      ငါ့ ကိုယ် ငါ ငုံကြည့်
      ငါ မရှိပါလား  ။

                        မောင်ရေခဲ


Sunday, September 30, 2012

ကင်ဆာ

ဝိညာဉ်တွေနဲ့စီးချင်းထိုးတဲ့ည
တစ်ခဏ
ငါ ကြားလိုက်ရတယ်  ..။
သူလဲမကြာခင်ငါတို့လိုဖြစ်တော့မှာပါကွာ ..တဲ့
အဲဒီ နိယာမ
ကြားရသူတိုင်းခေါင်းငုံ့တယ်
ကြားရသူတိုင်းနုတ်ဆိတ်တယ်
ကြားရသူတိုင်းမျက်ရည်မိုးတွေဆွေတယ်
ဒီတစ်ခါ ငါ က ကြားရတဲ့သူမဟုတ်တော့ဘူး
အခု ...
ငါ ...
သူရဲကောင်းကြီးဖြစ်ချင်တယ်
ပြီးတော့ ...
ငါ့ ရုပ်ကြွင်းတွေ မြေမခ ခင်
ဒီခြောက်လ 
မလောက်ငှတာသေချာပေမယ့်
အသက်ဆိုတာ
ဝေငှလို့မှမရတာ
ခဏတာ ...ငိုကြ
ခဏတာ ...ရယ်ကြ
ခဏတာ ...ခံစားကြ
ခဏတာ....လွမ်းကြ
ခဏတာ ...ချစ်ကြ
ငါ လည်း ဒီ ခဏတာထဲနစ်မြုပ်ခဲ့တာပဲ
ကဲ ....
ဒီချိန်မှာ ငါ ဒူးထောက်လဲမင်း ငါ့ကို 
ဆွဲခေါ်မှာမဟုတ်လား
ခေါ်ပါ
ငါ့ လိုလူတွေကောခေါ်ပါ
တကယ်ဆို ငါဟာ ဆေးလိပ်တိုအောင်လဲ
မသောက်ရသေးပါဘူး
နေညိုချိန်အထိတောင်စောင့်ခွင့်မရတဲ့ခရီးသည်ပါ
ငါ ...မင်းတို့အတွက်ထားခဲ့ပါတယ်
ဖတ်မကောင်းပေမယ့်
ငါ ဟာ ခရီးလွန်ပြီးမှ လက်ကမျင်းတဲ့ကောင်ပါ
ကသောကမျောတွေကြားထဲက
ဓားစားခံတစ်ယောက်ပါ
ခု ငါကြေနပ်ပြီ
ငါ ရုပ်ကြွင်းနောက်ပါ
ရေးထားတဲ့စားလေးဖတ်မိပြီးမဟုတ်လား
မင်းတို့ ငါ့လို သူရဲကောင်းမဖြစ်ချင်ပါတော့နဲ့ဗျာ
တကယ်တော့ .....

                                                မောင်ရေခဲ
                        






 
 

Friday, September 28, 2012

နေမဝင် ကဗျာ

လင်းတလှည့် မှောင်တလှည့်
ယဲ့ ယဲ့ လေးကျန်ရစ်
ချစ်တွေအားကိုး
ဒီည
ငါ တိုးဝင်ခဲ့တယ်
ချစ်သူတို့ချစ်ခြင်း
မင်း နဲ့ ငါ ချစ်ခြင်း
လမင်းကိုတိုင်တည်
ရည်ရွယ်မှန်းဆ
သည်ဘဝ မှ သည် ....
ဘဝါဘဝ ဆက်ပေါင်း
ရင်ခုန်သံအက်ကြောင်းမထကြေး
သစ္စာတေးတွေသီခဲ့တယ် ...။
သစ္စာတေး ..မေတ္တာတေး ..
အချစ်မှာရေးခြစ်  အနှစ်တွေခြစား
ဘဝတွေဘယ်လောက်ခြားခြား
အလှတွေဘယ်လောက်များများ
အခြားခြား အရာတွေနဲ့တသားတည်းမဖြစ်
ကမ္ဘာ့ ကမ္ဘာအသစ်
အချစ်နဲ့ရစ်ဆွဲ
ဒို့နှစ်ယောက်ပျံဝဲ
တကယ်ဆို....
ဘယ်လောက်ခြားခြား
ဘယ်လောက်ဝေးဝေး
အနေဝေးတယ်ရှိဘူးကွယ်....။

                                             ကိုရေခဲ


Wednesday, September 26, 2012

˙·٠•●♥ သဘာဝ ♥●•٠·

ကြင်လှည့်
မြင်လှည့်
အကျွန်တောင်းဆို
တောင်းဆုဆို၏
သခင်မကြင်ရင်ဖြင့်
နွေရင်ခွင်ကန္တာဦးမှာ
ဦးညွှတ်သည့်ထင်  ....။
ရင်ခွင်
လွင်ပြင်
သခင်ကြင်မှဖြင့်
နွေမှလွင့်ဝေးရာ
ချစ်ကြင်ရာသည်မြေတော့မှာ
မောလိမ့်မထင်
ထင်မြင်မြင်ရာလောက
အချစ်ရှိတဲ့လောက
အနှစ်ရှိတဲ့လောက
ပြောသမျှအရာ
သဘောကျစရာများပါလိမ့်
တွေးစိမ့်ထင်မြင် ...။
မျောကြ
လောက
သောကတို့ဝေးရာ  ဆွေးစရာ
တကယ်မေ့စေဖို့
တွေးစရာသည်မြစ်တွင်း
ချစ်ခြင်းတွေစီးဆင်းမှကွယ်
အကြင်နာသည်ရေတောမှာ
တွေးစိမ့်ထင်မြင်    ။။

                                     ကိုရေခဲ



˙·٠•●♥ ကိုယ်တွေ့ ♥●•٠·

အလွမ်းငဲ့
လှမ်းလှည့်
ကမ်းလက်တွေထဲငြိကပ်
စန်းတည့်တတ်တဲ့အရာ
အချစ်မှာရှိတယ်  ။
အချစ်ဝဋ်
ရစ်ပတ်ဖူးသူတိုင်း
ချစ်တတ်ဖူးသူတိုင်း
ဒီဝဋ်ရိုင်းနဲ့ဆုံတွေ့
တဒင်္ဂမူးမေ့ဖူးကြတယ်
အစဉ်အရူးလေ့ရှိကြတယ်
ဟုတ်တယ်
အဟုတ်တကယ်ရူးတယ်
အချစ်တကယ်မူးတယ်
ငါ တကယ်ရူးတယ်
အရာရာအကုန်မေ့
ဘုံဓလေ့
ဆုံတွေ့ခဲ့ရဖူးသူတိုင်း
ကြုတွေ့ခဲ့ရဖူးသူတိုင်း
လှိုင်း
ရိုင်းစိုင်းတယ် ......။

                       ကိုရေခဲ