** ညောင်ပင်အို စိုင်းညို့ညို့အောက်
ကြောက်ပါနဲ့လေး ....
တစ်ခါကပြန်တွေး
အို့ ..အို အေ့ ..အေ
အမေ့တေးညည်းသံ
နားထဲမှာညံမဆဲခဲ့ပေါ့
သား စိုက်တဲ့နန်း
သစ်ရွက်နန်း
ထန်းရွက်နန်း
ပြည်တော်ဝင်နန်း
ဘယ်နန်းစိုက်စိုက်
အမေ့ကိုမြင်မိခိုက်ခဏ
သားက ကလေးဘဝပြန်ရောက်ရတယ် ။
တသိုက်တဝန်း ဂုဏ်မဲ့
အမေ့အသက် ယဲ့ယဲ့လေးကျန်
သားအတွက်ဆို အလံမလဲ
အောင်ပွဲတွေ့ဖို့သစ်လောင်း
စိတ်ဓာတ်ဟောင်းတွေတောင်ဖျောက်ပစ်မိပေါ့ ။
ပြာယီမှိုင်းစ မျက်လုံး
သတ္တလောကအတွက်မသုံးလိုက်ရပေမယ့်
သားဘဝ အမြင့်ဆုံးရောက်ဖို့
အမေရုန်းခဲ့ရတဲ့ဘဝကိုကျေနပ်တယ် ။
အဖြူရောင်အလံတလွင့်လွင့်
လွှင့်ခဲ့ပြီအမေ့ခေါင်း
အယောင်ဆောင် ကမ္ဘာလောကအကြောင်း
သားသိအောင်လမ်းကြောင်း
ခရောင်းလမ်းတွေဝေးဖို့
သား နဲ့ ဝေးရတဲ့အမေ့ဘဝ
ဆွေးပေမယ့်
ဝေးနေလဲကျေနပ်တယ် ။
နေညိုချိန်လှိုင်းတွေဂယက်ရိုက်
အမေ့မျက်နှာတိုက်ရိုက်ထိခိုက်
ဘွင်ရန်သူတွေတောင်နှိပ်စက်လုပေါ့ 
သမုဒယတွေဖွဲ့နှောင် ဒီနှောင်အိမ်ကြီးထဲ
အမေ ရုံးထွက်ချင်ပြီးကွယ် ။
အမေ့ကိုနားလည်
သား အမေကိုနားလည်ပါ
အမေ အာမ-မခံခဲ့တာတွေအတွက်
ရက်စက်သူလို့သတ်မှတ်
အမြင်ကတ်နေတောင်
ကျေနပ်နေမှာပါသားရယ် ။ ။
ကိုရေခဲ
မောင်ရေခဲ