လှည့်မကြည့်နဲ့တော့မိငယ်
တော်တော်ကြာ
ကိုယ့်အရိပ်ကိုယ်ပြန်ထီးမိုးနေရအုန်းမယ်
နားနေကျ
အမောပြေနေရာလေး
မင်းမခွဲချင်မှန်းကိုယ်သိတာပေါ့
မင်းစိုက်တဲ့ဥယျာဉ်ကလေးက
ခုဆို
ငွါးငွါးစွင့်စွင့်ပန်းကလေးတွေပွင့်လုပေါ့
မိုးဦးကျချိန်ဆို
ကော်ဖီခွက်တင်ခဲ့တဲ့စားပွဲလေးကလည်း
သတိယစရာပါပဲလေ
မိငယ်ရေ
ငါတို့မျက်နှာသစ်ကြစို့နော်
ရေမရှိလည်းငါတို့အချစ်တွေကကြည်လင်နေတယ်လေ
ငါတို့ရထားလေး
ဘယ်ကပတ်ပြေးပြေး
ဘူတာတစ်ခုရောက်တိုင်း
ခေါင်းလေးမှေးတင်တိုင်း
အိမ်လွမ်းနေတာသိပေမယ့်
ကိုယ်ကိုယ်တိုင်ဖြေသိပ်ဖို့ခက်နေတယ်ကွယ်
ရဲဆေးတွေတင်တင်ထားရတယ်
အသဲမအေးတာမင်းသိသားပဲ
အိပ်တော့နော်
ခနနေမိုးလင်းတော့မယ်
အဲဒီကျမှ
မိုးခေါ်ဖို့လွန်ဆွဲကြတာပေါ့ ။ ။ ။
ကိုရေခဲ
Posted via Blogaway
Posted via Blogaway
Posted via Blogaway
