ငြိမ်နေမလို့ပဲမိငယ်
အရေးဆို ကိုယ်တို့ဂျက်ကီလေးက
အမြီးပဲ့နံ့နံ့ပြတတ်တာမင်းအသိပဲ
ရင်မချိပေမယ့်
မနက်တွေကိုလေပြေသိပ်ထိုးထားတော့
စိတ်မချတချနဲ့
အိပ်မရတဲ့ညတွေက
ကိုယ့်ကိုခိုစီးလာတယ်
တကယ်ဆို
ကိုယ်တို့ကျားရိုးသွေးတိုက်ခဲ့ရမှာ
ဂျက်ကီလေးကိုသင်တန်းကျောင်းပို့ဖို့
မင်းကိုပြောခဲ့မိသား
မင်းပဲအချစ်ပိုခဲ့တာလေ
အပြစ်ဆိုမလို့ပဲ
စနစ်တွေကဒိုင်ပင်ထိုးနေတော့
အချစ်ကပြောက်ပြောက်သွားတယ်
ကတ္တီပါကော်ဇောလေးဝယ်တုန်းကလဲ
ဂျက်ကီပဲအရင်ဖျက်တယ်
မင်းပဲပြောတယ်လေ
သင်ရင်တတ်တယ်ဆို
အခု
အနံ့ဆိုးတွေကြားမှာညအိပ်ရပြီ
ဂျက်ကီလေးကိုကိုယ်လည်းချစ်ပါတယ်
တိရစ္ဆာန်ရုံမှာကျားရိုးသွားတောင်းရအောင်နော်
ပြီးရင်
ကိုယ်တို့သင်တန်းကျောင်းပို့ကြတာပေါ့ ။
ကိုရေခဲ
Posted via Blogaway
No comments:
Post a Comment