Showing posts with label ကဗျာရှည်. Show all posts
Showing posts with label ကဗျာရှည်. Show all posts

Tuesday, July 3, 2018

လူကြီးမလေးဖတ်စာ

{ ၁ }

ဟင်းနော် ... လို့ ပြောရုံးရှိသေး
ကိုယ့်နွေရွက်တွေက ကြွေလုလု
ကယုကယင်ဖြစ်နေတဲ့စိတ်သွားလေးတွေ
မင့်အပြုံးမှာအသက်ဝင်တယ်

လူကြီးမလေးတစ်ယောက်လို
မှာတမ်းရှည်ဖတ်တဲ့အခါ
နားစိုက်စိုက်ထောင်ထားရတယ်
ကိုယ့်မြေမှာလင်းတဲ့ကြယ်ကလေး
အသက်တမျှလင်းလက်ပါစေလို့ပဲ
အကြိမ်ကြိမ်ဆုချွေလို့
ခူးမိတဲ့အချစ်တိုင်း လွမ်းစဖွယ်

ကျနော့်မှာ အိပ်မက်တစ်ခုရှိရဲ့
ထိုအိပ်မက်မှာ လူကြီးမလေးဝိညာဉ်ရှိရဲ့
မနက်လင်းတိုင်းသစ်တဲ့ရေမှာ
ညီမလေးမျက်နှာရှိတယ်ကွဲ့
လူကြီးမလေးရဲ့

အိပ်မရခြင်းတွေပွေ့ပိုက်လို့
ညဥ့်ဟာနက်သည်ထက်နက်လာပြီ
သိပ်လွမ်းကြောင်းပြောဖို့
မျက်လုံးဟာအိပ်တန်းမတက်နိုင်ဘူး
လူကြီးမလေးရေ
ငြိမ်းချမ်းကြည်သာချမ်းမြပါစေ

ငါမရှိတော့တဲ့အခါ
မင်းအပြုံးတွေလှပစေချင်ရဲ့
ဘဝနှစ်ခု အိပ်မက်နှစ်ခု
တယုတယမွေးယူထားတဲ့ချစ်ခြင်းနှစ်ခု
နေမကောင်းဖြစ်လာတဲ့အခါ
နဖူးပေါ်က ဆံစတွေငိုကြွေးနေကြလိမ့်မယ်

နေရောင်သာတဲ့ရောင်ခြည်ဦးတွေ
လူကြီးမလေးဆီ တိုက်ရိုက်ကျရောက်ပါစေ
ပန်းပွင့်ဟာ သူမမြင်လိုက်ရမှီ
ပါသွားတဲ့ဝတ်မှုံကိုချစ်သလို
အချစ်တွေရှိရဲ့
ဆည်းဆာဟာ ငါ့ကိုငေးနေတယ်ကွဲ့
လူကြီးမလေးရဲ့

တိမ်တွေဟာ
ငှက်အတောင်ကိုဖြတ်တိုက်နေတယ်
ကိုယ့်မှာ ငှက်ကလေးများအနာတရဖြစ်လေမလား
တွေးစိတ်နဲ့စိတ်တွေပူလို့
ရာသီဥတုတွေထိနာဖျားတယ်

လူကြီးမလေးရယ်
ဒုက္ခတရားတွေထိတွေလာတဲ့အခါ
မြက်ပင်ရိုင်းတွေအောက်မခိုလှုံပါနဲ့
ရိုးတံနဲ့လုံခြုံမှုမညီမျှတဲ့အခါ
ရင်မချိသူဟာ ငါ ဖြစ်ရဲ့

နာလိုခံခက်တဲ့လေတိုက်နှုံးဟာ
ဝန်းကျင်နဲ့ထိစပ်သူတိုင်းရဲ့ဖတ်စာပဲ
စာများများကျက်နော်ညီမလေး
ဘဝကျောင်းမှာသင်ရိုးမရှိတော့
စာကျက်ဖော်အဖြစ်ကိုယ်ရှိချင်တယ်

ညီမလေးရေ
ယဉ်းကျေးမှုတွေကရိုးရာတွေပျက်တဲ့နေ့
တိမ်ဟာ အိပ်မက်ကိုဖောက်သတဲ့
အိပ်မက်မက်နေကြောင်းကို အိပ်မက်သူဟာ
ကိုယ်တိုင်ပြန်ကြည့်နေပုံများ
လိပ်ပြာအဖြစ်နဲ့ညီမလေးအနား
ဆန်းကြယ်ပုံပြင်တွေထိုင်ပြောနေမိတယ်

အနီးနားရှိခဲ့ကြသလို အဝေးမှာ
အဝေးမှာရှိကြသလို အနီးမှာ
လူသတ္တဝါတို့ခရီးတိုင်းဖြတ်ရတဲ့မိုင်တိုင်တွေ
အကုန်လွန်လာတဲ့အခါ
ငါကိုချစ်ပါ
ပျော်ပျော်ဖြတ်သန်းပါ
ခရီးဟာ တိုတောင်းလှချည်ရဲ့

ညီမလေးရေ
မင့်ဟာ ခေါက်သိမ်းလို့မရတဲ့နတ်သမီးဖြစ်တယ်
မပြီးဆုံးသေးတဲ့စာပိုဒ်လေးထဲ
ညီမလေးအပြုံးထည့်ထားတယ်
မပြည့်စုံတဲ့ဝါကျတွေထဲ
ညီမလေးနှုတ်ခမ်းစူစူလေးထည့်ထားတယ်
ညီမလေးရယ်
လူကြီးမလေးရယ်
ကိုယ့်အသံဟာ မင့်ဆီမှာတိမ်ဝင်နေရဲ့ ။

{ 2 }

နားညည်းလိုက်တာ လို့ပြောတိုင်း
ကိုယ့်ရင်ဘတ်ဟာချိနဲ့နေတယ်
မျက်ရည်တစ်ကမ်း အလွမ်းတစ်ခန်းဟာ
ကိုယ်တို့အချစ်သက်သေတွေလေ
လူကြီးမလေးရဲ့

ကြယ်ကလေးတွေအိပ်တန်းတက်လုချိန်
ကိုယ့်မှာအလွမ်းတွေနဲ့ခမ်းနားလို့
တုန်လှုပ်နေတဲ့ခြေထောက်တွေလူးလားခေါက်တုန်
သူမ မုန်းမှာ စိုးထိတ်သတဲ့လေ

မိုးတိတ်ချိန်ကိုစောင့်နေတဲ့ပုရွက်ဆိတ်ကလေးလို
အိပ်မက်အကြီးကြီးမက်ထားသူပါ
လူကြီးမလေးမျက်ရည်တွေနဲ့
တောင်ပို့ထဲမဝင်နိုင်တဲ့ ခြသူငယ်ပါ

တိမ်ရောင်တိမ်လိပ်တို့ဆော့ကစားချိန်
မိုးသည်းထဲကထိတ်လန့်နေကြောင်းကိုတော့
ဘယ်သူမှမသိလည်း ဆုတောင်းနေမိတယ်
နေကောင်းထိုင်သာရှိပါစေ

လူကြီးမလေးရေ
ဖတ်စာထဲမပါတဲ့
ငါ့ချစ်ခြင်းဟာ
ဟော့ဒီစာသားတွေသာဖတ်ကြည့်ကွဲ့

ဘာသာမပြန်တတ်တဲ့ယုန်ကလေးဟာ
ကိုယ်သာဖြစ်ကြောင်းကိုတော့
စာသားထဲမဝင်ခဲ့တဲ့မျက်ရည်တွေလေ ချစ်
စိတ်ကောက်ခြင်းဟာအသက်ရှည်သတဲ့
များများစိတ်ကောက်ပါ
များများချစ်စိတ်မွေးပါ
ကိုယ့်အသက်ဟာ မင့်တိုင်းပြည်ဖြစ်ကြောင်း
ဟော့ဒီလိုချရေးလိုက်ရတာပါ
မျက်ရည်တိတ်လို့အ်ိပ်ပျော်ပါစေကွယ် ။

{ ၃ }

မုန်းတယ်တဲ့
တိမ်တွေငိုပွဲမှာ ငြိမ်သက်ခဲ့
လေပြင်းတွေအထဲ သူမ ချမ်းစိမ့်နေမလားလို့
စိုးရိမ်စိတ်နဲ့သိမ်းထုပ်ခဲ့
စီးကရက်တွေသိပ်ကုန်တာပဲ
သူမကိုမပြောဖြစ်ခဲ့ပါ

မျက်ရည်အလွင့်မှာတရားဓမ္မတီးလုံးစတယ်
မိုးခြိမ်းသံအထဲ ကိုယ်ခေါင်းငုံ့ထားပါတယ်
ငါခိုက်တဲ့အရိပ်ကလေးအငွေ့မပျယ်ပါစေကြောင်း
ဆုတောင်းထဲထည့်မေတ္တာပို့ဖြစ်တယ်

ကိုယ့်ရဲ့အမှန်တရားမလေးရေ
အရာရာမသေချာဘူးလို့နားလည်တတ်တဲ့ကိုယ့်မှာ
နားမလည်တတ်တဲ့မျက်ရည်တွေနဲ့
နားမလည်တတ်တဲ့အလွမ်းတွေ
ပြီးတော့
နားမလည်းတတ်ဘဲ ဥသြသံကိုနားထောင်နေမိတယ်

အလွမ်းတေးတဲ့
သူလည်းအဖော်မဲ့သွားလို့နေမှာပါလေ ။

{ ၄ }

အချစ်ကို ချစ်တယ်လို့ပြောတော့
နားမကြားဘူးတဲ့
လွမ်းလိုက်တာဆိုတဲ့အသံ
မင့်ဆီလှမ်းပို့တော့
နားကန်းသွားပြီတဲ့
ဟုတ်တယ်
တကယ်ဆိုအချစ်ဟာ
အကုန်ကန်းမှပွင့်တဲ့ပန်းပဲ

အကန်းကုန်တဲ့အခါ
လန်းတဲ့အပင်ပဲ
ဘယ်လိုအကန်းတွေလဲ
ဘယ်လိုအကန်းကုန်ကြမလဲ
သဝန်တိုခြင်းမှာလဲ အလှတရားရှိတယ်ကွဲ့
လူကြီးမလေးရဲ့

မင်း
ပုဇင်းရင်ကွဲတေးလေးတွေကိုနားထောင်ပါ
ကိုယ့်ကိုလည်း ကိုယ်ချင်းစာပါ
အချစ်ဆိုတာ ချစ်မှလှတဲ့တရားလေ
စာကလေးတွေရဲ့ ကျလိကျလိအသံလေးတွေ
ကိုယ့်နားထဲတိုးဝင်လာတယ်
မင့်အသံလားလို့ကွယ်
ကိုယ့်မှာ အလန့်တကြား ။

{ ၅ }

အထင်​လွဲမှုရဲ့နိဂုံးတိုင်း
မလှပတတ်​တာသိရဲ့သားနဲ့
လူကြီးမ​လေးရယ်​
ဒီမှာ အိပ်​မက်​​တွေ အချိတ်​အဆက်​မမိဖြစ်​​ပေါ့

ညဉ့်​ငှက်​သံ​တွေနဲ့အ​ဖော်​ပြု​နေတဲ့ည​တွေ
မျက်​လုံး​တွေ သိပ်​​ဈေးစစ်​တာပဲ
ခု​တော့
အိပ်​ပျက်​ည​တွေများ​ပေါ့
သံစဉ်​​တွေ
အလွမ်းကိုဖက်​ အိပ်​ငိုက်​ကြ​ပေါ့
လွမ်းတယ်​

စိတ်​မပျက်​လိုက်​ပါနဲ့
စိတ်​
မပျက်​လိုက်​ပါနဲ့
မျက်​စိ​တွေလဲ​ပေကလပ်​​ပေကလပ်​ဖြစ်​​နေပြီ
အလွမ်း​တွေလဲဆိပ်​ကမ်းမဲ့​နေပြီ
ချစ်​​ရေ
လူကြီမ​လေး​ရေ
ခေါ်သံ​တွေအထဲအလွမ်း​တွေထည့်​ထားပါတယ်​ကွယ်​
မင်းဆိပ်​ကမ်းဟာ ငါ့အသက်​ပါပဲ ။

{ ၆ }

လေ​ပြေ​လေညှင်းဟာ ပျင်းရိလေးကန်​လို့
ပူပြင်းတဲ့ရာသီဥတုကို​သောက်​ချ​နေတယ်​
သန်း​ဝေ​နေတဲ့အလွမ်းတမ်းချင်း​တွေဟာ
စိတ်​ဖတ်​စာမျက်​နှာ​တွေပါပဲ

လမ်း​တွေဟာ
လူသား​တွေကိုငတ်​သတဲ့
ငြိမ်​ချမ်း​ရေးဟာလည်း
လူသား​တွေပြန်​ငတ်​တဲ့စာမျက်​နှာပဲ

လူကြီးမ​လေး​ရေ
သက်​ပြင်း​တွေခိုး​သောက်​ရတဲ့တိမ်​​တွေထဲ
ကိုယ်​ဟာ အသက်​ရှင်​သူပါ
လမ်း​လျှောက်​​နေတဲ့​ခြေ​ထောက်​​တွေကလဲ
ကိုယ့်​ရဲ့အိမ်​ပါ
အိမ်​​​ပြေး​တစ်​​ယောက်​ရဲ့အတ္ထုပ္ပတ္တိ​တွေထဲ
သိမ်​ငယ်​မှု​တွေ​ကိုအိပ်​​ဆေးတိုက်​ပစ်​ခဲ့တယ်​
လွမ်းတယ်​ကွယ်​ ။

{ ၇ }

သက်ရှိအနွေးထည်လေးဟာ
လူကြီးမလေးဖြစ်တယ်
အိပ်မက်ထဲဇောက်ထိုးကျတဲ့ပြဇာတ်မှာ
ထမင်းလုံးတစ္ဆေတွေက
ငါ့ကိုဟာသလာပြောတယ်
အချစ်ကချစ်နေဖို့သာအဓိကပဲမဟုတ်လား

နေရောင်ခြည်ထဲပါလာတဲ့
မြူမှုံလေးတွေသတိထားမိသလိုရှိတဲ့အခါ
ကိုယ့်ကိုအဲဒီလိုသတိရပါ
ပျောက်ကွယ်ပျက်လွယ်ရှိတဲ့တိမ်တွေထဲ
ကိုယ်ကလူဖြစ်လာသူပါ

သူငယ်ချင်းတွေနဲ့ပျော်ပျော်ပါးပါးနေပါ
အသိပညာတွေကိုချစ်ပါ
ချစ်ခြင်းမေတ္တာအကြောင်းတွေးတဲ့အခါ
ကိုယ်တို့ဟာဆုံရန်ခက်တဲ့မျဉ်းကလေးတွေပါပဲ

လူကြီးမလေးရေ
တိမ်တောက်ချိန်မဟုတ်တဲ့ဆောင်းရာသီမှာ
သက်ရှိခြုံစောင်တစ်ထည်ဟာ မင်းသာဖြစ်တယ်
စိတ်နဲ့ချိတ်လို့ရတဲ့ချိတ်ကလေးဟာ မင်းသာဖြစ်တယ်
ဆီမီးတိုင်ကလေးထွန်းညှိမယ်
အရှိန်ကုန်သွားတဲ့အထိအတူတူငေးချင်မိတော့တာပါပဲ ။

{ ၈ }

ကြွေကျလာတဲ့ခရေပန်းကလေးတွေမှာ
အငွေ့ပျံနေတဲ့အလွမ်းတွေပါတယ်
နိမိတ်ဆိုးတွေနဲ့ကမ္ဘာလောကမှာ
မင့်ဟာ ကိုယ့်နိမိတ်ကလေးပါပဲ
အဲဒီနိမိတ်ရဲ့ဝိညာဉ်ဟာ
ကိုယ်ဖြစ်ရဲ့

အိမ်မြောင်စုတ်ထိုးတဲ့အခန်းလေးထဲမှာ
လာဘ်တိတ်နေတဲ့သူတစ်ယောက်ရှိတယ်
မလိုအပ်ဘူးလို့ယူဆမိတဲ့လိုအပ်မှုတွေပါ
ငိုစရာရှိရင်လည်းတိတိကျကျငိုပစ်ဖို့အသင့်ပဲ
မာယာတွေမလွှမ်းခြုံတတ်သူလေ

အချစ်ဦးတို့ကမ္ပည်းကျောက်စာမှာ
လူကြီးမလေးတစ်ယောက်ရှိတယ်
တိတိကျကျချစ်ခဲ့တာပါချစ်ရယ်
ကမ္ဘာမြေကြီးဟာတည်ငြိမ်လို့
ငေးမိတဲ့ရေပြင်ကလည်းတည်ငြိမ်လို့
ဘာမှစကားမဆိုဖြစ်ခဲ့တာကလည်း
မင့်အသံဟာ ကိုယ့်ရင်ဘတ်ဖြစ်လို့ပါပဲ
တကယ်ပါ
တကယ်တော့စကားလုံးပါမဲ့ခဲ့သူပါလေ ။

{ ၉ }

မင်းစိတ်ကောက်တဲ့အခါ
မင့်အသံလေးကအစ မျက်နှာပေါ်မှည့်ကလေးအဆုံး
အိပ်မက်ထဲထိစိုးမိုးလွန်းတယ်

ဘာကိုလဲလို့မတွေးဖြစ်ဘဲ
စိတ်အေးကြည်သာဖြစ်စေလိုခြင်းပါပဲ

မင်းစိတ်ကောက်တဲ့အခါ
အိမ်ဘေးကနှင်းဆီပန်းရုံကတောင်
ရနံ့မထုတ်လွှင့်တော့သလို
တိတ်ဆိတ်ငြိမ်သက်လို့

မင်းစိတ်ကောက်တဲ့အခါ
ညမှာသာနေတဲ့လမင်းကြီးလည်း
ကိုယ့်ရဲ့ခေါင်းငိုက်စိုက်ဖြစ်ပုံနဲ့
သူလည်းအထီးကျန်လို့

ကြယ်ကလေးတွေရဲ့ပုံပြင်ထဲမှာ
လူကြီးမလေးအကြောင်း
တစ်ခုတ်တရပြောနေကြသတဲ့
ကိုယ်ကတော့
မင်းစိတ်ကောက်ပုံမှာ
အတုံးအရုံးလဲပြိုလို့

သဘာဝတရားရဲ့သေချာတဲ့အကြောင်းတရားမှာ
မင်းဟာ
ကိုယ့်ရဲ့သေချာခြင်းတစ်ခုဖြစ်လေရဲ့ ။

မောင်ရေခဲ
{ 12/3/2017 - မှ - 20/11/2017 ထိ }

Sunday, June 29, 2014

မဟာစ်ာပန



ကိုရေခဲ
ခင်ဗျားသေပြီ
ကဲ
သင်္ဂြိုဟ်လိုက်ကြရအောင်
လတ်လတ်ဆတ်ဆတ်ကုသိုလ်ညိုပြာရည်
ခေါင်ရမ်းပန်းတို့ရိတွဲကျ
ခင်ဗျားမသာလူစည်တယ်
စက္ကူပန်းတချို့က
ခင်ဗျားရဲ့ကြေကွဲဖွယ်မဟာဈာပနကု
ခဝါမကျသေးတဲ့အနတ္တတွေပန်လို့
မရိုကြိုးသေးတဲ့ခြေထောက်ကြီးနဲ့နင်းလို့
အမြင်ကပ်စရာနုတ်သီးကြီးကိုထမ်းလို့
သေချာတာကခင်ဗျားသေပြီ

သေချာတာကခင်ဗျားသေပြီ
တောင်ဇလပ်လေးတွေသင်းတယ်
တောင်ပြန်လေရောမြောက်ပြန်လေပါ
သွေ့သွေ့လေးခါရမ်းလာတယ်
ခင်ဗျားကျေနပ်လိုက်ပါ
ကျိုးခဲ့ပြီးပြီ
ကြေခဲ့ပြီးပြီ
အနေမတတ်ခဲ့တော့
သံသရာလည်းဆွေးခဲ့ပြီးပြီ
ခင်ဗျားသေတာနဲ့စန္ဒကူးနံလေးပြန်သင်းလာတယ်
နီစွေးတဲ့ပန်းကလေးတွေရဲ့သလင်းနံ့ကလေးလင်းလာတယ်
စပယ်ပန်းကလေးတွေကလည်းဖူးတန်ပွင့်လို့ချည်ပေါ့
ခင်ဗျားကျေနပ်လိုက်စမ်းပါ
ခင်ဗျားကခရိုနီ

ကိုရေခဲ
တကယ်တော့ခင်ဗျားသေပြီ



ကိုရေခဲ
ခင်ဗျားသေပြီ
တိမ်တွေကပုပ်အဲ့အဲ့
ကျုသံသီချင်းတွေနဲ့ရေပတ်လည်ဝိုင်းတယ်
ဂဏန်းသင်္ချာတွေက
်ဆွေမပြနိုင်မျိုးမပြနိုင်
အောက်သက်ကျေဖို
ကြေအေးပေးလိုက်ရတဲ့ ပန်းခင်းလမ်းလေး
သစ်စိမ်းချိုးကျိုးပေါ့
ခင်ဗျားပေါ့
တရားတရားဆိုပြီး လမ်းသလားခဲ့တာ
ဘုရားဘုရား
တွားမိပေါ့
အပူတွေနဲ့တိုက်မိပေါ့
ရေတွေလဲပွက်လုပေါ့
နွံတွေကိုထမ်းသွားနေတဲ့ကလေးလေး
ဟို့ရှေ့မှာခင်ဗျားမြင်လား
ဟို့ရှေ့မှာလေ
ဘာပဲပြောပြော
ခင်ဗျာသေပြီ

ခံးစားရတာတွေကို
ခံစားရင်း ခံစားရင်း
အဖန်တေနေပြီဖြစ်တဲ့ဟော့ညောင်ညိုပင်အောက်မှာ
ပြာရီမှိူင်းကောင်းကင်တွေမျက်မှန်တပ်ကုန်ပြီ
မှောင်ရီစပြုလာတော့ နှောင်းမိုးကိုမျှော်ရပြန်ပြီ
တကယ်တော့
ခင်ဗျားသေပြီ

စိန်ပန်းပွင့်လေးတွေကတောရကျောင်းမှာ
ပြောရတာမောနေပေမယ့်
ခင်ဗျားသေသွားတာသိပေမယ့်
မြစ်ပွားနာတွေကခုထိကူးဆက်တုန်း
ရေများရေနိုင်ပါဗျာ
မီးကနည်းပေမယ့်လောင်စာကိုခပ်ဖွဖွသုံးတော့
အနုတ်ပြတဲ့ညနေခင်းမှာ လယ်တောသီချင်းကိုသီ
စီကာပတ်ကုံးမပြောပြတတ်တဲ့
ပျဉ်းမငုတ်တို ကိုခုထိုင်
ယိုင်ရင်းယိုင်ရင်းပဲ
တကယ်တော့
ခင်ဗျားသေပြီ။ ။ ။



ကိုရေခဲ
တကယ်တော့ခင်ဗျားသေပြီ
တစ်ချိန်ကယက်ကန်းသံတွေမကြားရတော့ဘူး
တစ်ချိန်ကရွှေချည်ငွေချည်တွေ
ယက်ကန်းသံတွေကြားပြောက်ဆုံး
လူလုံးမလှအပူလုံးကြွ
ရုံးမထရသေးဘူး
ီဒီမှာ အုံ့ပုံးသီချင်းပြန်ဆိုနေရပြန်ပြီ
ကန့်ကူလက်တန်လေးတွေလည်
ယင်မဝဲတော့ ကိုယ့်ကိုယ်ကိုအညှီလောင်းကြ ခင်ဗျားနဲ့အတူလောင်းချသင်္ဂြိုဟ်ခဲ့တယ်

ပြန်ပြောမယ်
အဲဒီမြစ်ပွားနာ
အနှစ်ဆိုတာအညှီတွေမဟုတ်ဘူးဗျ ။

ကိုရေခဲ
တကယ်တော့
ခင်ဗျားသေပြီ ။ ။



မတမ်းတတော့ဘူး
လွမ်းမပြတော့ဘူး
ထီး
သုဉ်း
မြို့
ပျက်
အမှိူက်
သတ်မရသေး
ခင်ဗျားဗျာ
ဖောင်စီးရင်း
ရေငတ်အောင်လုပ်တယ်

ကိုရေခဲ
တကယ်တော့
ခင်ဗျားသေပြီ ။ ။ ။



တိမ်ပြာသားမို့မို့ ညှို့ က
လေးခွင်းအတတ်ကိုမြိုချတော့
ငါ ... ကွ ဆိုတဲ့ ဝါးစိမ်းခြမ်းကလေး
သိမ်သမုတ်ဖို့မြေသတ်မှတ်တယ်

အငြိမ်မနေနိုင် ပိတောက်ရွက်ကလေးတွေရဲ့
ဆိတ်ငြိမ် ဆည်းလည်းသံ
ညံ.....တယ်လို့ဆိုပြီး
ပန်းအမှိူက်သွန်သမားတို့ရဲ့ ကျင့်ဝတ်ကို ကျင့်သုံးတယ်

မသာယာနဲ့
မငြိမ့်ညောင်းဘူး
ကျုပ်တို့ရဲ့သန္ဓေ ဥ ကလေးတွေ
တောကျီးကန်းဝပ်သွားပြီ

ဒီမှာ
ကိုရေခဲ
ခင်ဗျားကတော့သေပြီ ။



နွေ အဦးမှာ
မုတ်သုန်ကို လက်ယက်အခေါ်
ရမ္မက်တွေကိုလက်တန်းရွတ်ချတော့
မျက်ဖြူဆိုက်နေတဲ့ မြေဇာမြက်လေးတွေက
ကယ်ပါ တေးသွားကို ရော့်ခ်ဆန်ဆန်ရွတ်
မကြံမစည်ရာ မိုး ကျလာတော့
တေးသွားညည်း က ကြသတဲ့

လောဘ
လိုဘ
ငိုဘ
အမိုးတွေလည်း ပြိုလှပါပြီ
အငြိုးအတေးနဲ့မိုးက ခုထိ သည်းတုန်း

ပိုင်ရာဆိုင်ရာ မြှောက်စားတော့
နိုင်ရာ နိုင်ရာ မဟာဝေဿဝန်နတ်
ပြတ်လတ်နေတဲ့ ဆေးလိပ်တိုလေးတောင်
ပစားမရခဲ့ဘူး
ပုံတူများကူချလေရော့သလား

ကျောက်ကုန်နေတဲ့ မီးခြစ်အိုလေးရေ
ခံရမလား စံရမလား
တွေးတောရင်း မိုးလင်းတော့
ဘာပဲဖြစ်ဖြစ်ပါ
ကိုရေခဲ
ခင်ဗျားကတော့
သေပြီ ။



မသာတစ်ခေါက် ကျောင်းဆယ်ခေါက်
အမြီးအမောက်မတည့်တဲ့
ဆိုရိုးတွေပဲ ရွတ်ဆိုခဲ့
တတွတ်တွတ်ဆိုရမှာက
မရဏ

ပြုံးပြုံးကြီးကြည့်နေတယ်
သူကတော့
ပက်လက်

ဒေါသ မျက်ချေးတွေကြားမှာပဲ
လက်ပစ်ကူးခတ် ပျော်ပါးနေကြ
အရော်အစားက ကြီးလှချေရဲ့
အပါးလည်ခြင်းတွေကြား
အခါးဓာတ်ကြီးမားလာတဲ့
အိုကမ္ဘ္ဘာလောက
စတပြင်နဲ့မိတ်ဆက်ပေးဖို့
စင်တင်ပေးပါတော့

တိမ်လွှာကြားမူးမေ့လဲခိုက်
ရော့ရဲလာတဲ့ရေတွင်းကိုမှ
ရေငံကြိုက်စေခဲ့ပေါ့

မေ့လိုက်တော့
သတိမရနဲ့တော့
မူးလဲနေတဲ့ဘဝထဲ
ခင်ဗျားအရင်အစစ်ခံလိုက်
သေခြင်းနဲ့မသိခြင်းကြားမှာ
ခင်ဗျားသေပြီ ။ ။



သုဿာန်မြေကို စ နင်းနေပြီ
အတွင်းကြေအနာနဲ့ အရင်းမကြေခဲ့လေသမျှ
တွင်းဝက မော့ကြည့်နေ့ပြီ

အနံ့ခံကောင်းခဲ့တဲ့
လတ်လတ်ဆတ်ဆတ် အမြုပ်တစ်ချို့က
အပျံ မသင်နိုင်စွာငေးမောလို့
မိုးတိမ်ကိုအဓိပ္ပါယ်ဖွင့်ကြတယ်

လွင့်ပြယ်စ ပြာသားလေးတွေပေါ့
အယ်ဒီ ပြာစ ပါးပါးလွှာလေးတွေ
အနေမတတ်စွာ တိမ်တံခါးကိုဖွင့်ပြီး မမြဲခြင်းတရားကို တေးဖွဲ့သီကျူးတယ်

ညွန့်ငုံဖူးစ ဇီဇဝါပန်းလေးက
တောကျွမ်းမုဆိုးတို့အတတ်နဲ့
ပွင့်အာ ခြင်းတရားကိုသင်ပြတော့
မှီခိုနေကြဆိတ်ငြိမ်ရပ်ကွက်ကလေးမှာ
သန်းခေါင်စာရင်းပေးသူများတယ်

နေ့မြင်ညပြောက်ရဲရင့်သူကြီးက
အညိုရောင်ပဝါစ ကို ပါးပါးချင်းခွါချတယ်
ကျုပ်ကတော့ မတ်တတ်
ရေရွတ်ချင်းတွေအန်ချပေါ့
ဘာပဲပြောပြောပါ
ကိုရေခဲ
ခင်ဗျားကတော့သေပြီ ။



ပိုးလောက်လန်းတို့ရဲ့အိုအေစစ်လေးက
ယိုကျနေတဲ့နေစွဲတွေကြား
ဝါကျ သင်္ကေတလေးတွေနဲ့ စကားပြောနေတယ်

မြင်မကောင်းဖွယ် ကျိုးကြေစ မြူမှုံလေးကတော့
သတင်းစကားအချို့ကိုသယ်ဆောင်လို့
လည်ပတ်ရာစက်ဝိုင်းဆီ ခရီးသွားနေဆဲမှာပဲ
ခလုတ်တစ်ခုကို ငါ့တို့ မေ့နေပေါ့

အပြောကျယ်လှတဲ့ နေရာ အသင်္ချေ
နောက်ဆုံး မေ့မြောရာ ဒေသ
ခုံရုံးမှာကြည့်မယ့် တစ်ဖက်ကြည့်မှန်တစ်ချပ်
ခင်ဗျား ဘယ်လိုမြင်နေမှာပါလိမ့်
မှူံပြာပြာ တစ်ပဲစ ရွာသားကောင်းမှူ့များ
နားဝင်ပီယံလှပေမယ့် ဗျိုင်းမပုံပြင်းလေးရဲ့ လေခိုတီလုံးသံစဉ်
မတူညီရင် ညီမျှခြင်းထိုးဖို့ခက်တဲ့
အဖြူရောင် ငှက်ကလေးတွေရဲ့နေရာ
သွေဖီသွားခဲ့သပေါ့

ပြိုင်မျဉ်းတွေ အထက်အောက် ညှိတော့
ခင်ဗျားရဲ့ နက်ပြာပြာ အရည်တွေက
ယိုစိမ့် ကုန်ပြီ
ပျော်လိုက်တော့ ပါးလိုက်တော့
အသုတစ်ရာ အောက်နက်ရာအရပ်
စစ်မှန်တဲ့ သူတစ်ယောက်ရှိတယ်
ရန်တော့ မဖြစ်နဲ့ဗျာ သူကနေရာပေးမှာပါ
ဘာပဲဖြစ်ဖြစ်ပါ
ကိုရေခဲ
ခင်ဗျားကတော့သေပြီ ။ ။

၁၀

အိုးကပ်စ ဆီလေးတွေ
အတောင်ဖြန့်တဲ့အခါ သူ့ကိုမှီနေတဲ့
ထောက်တိုင်လေးက ငလျင်လှုပ်ပြတယ်
နိယာမ ရဲ့ အစ တဲ့

ဗျိုင်းတစ်အုပ် နဲ့ ကျီးကန်း တစ်သိုက်
ယှဉ်နွဲ စစ်ပွဲ့ဆိုရင်
ကျီးကန်းတို့ အလံထူတဲ့ပွဲဆိုပါတော့
သေချာတယ် အစ တစ်ခုဖြစ်သလို အဆုံးတစ်ခုလည်းဖြစ်တယ်

ချောင်းမြောင်းနေတဲ့ ဓားတစ်လက်က
နတ်မြင်းပျံစီးလာတဲ့အခါ ခံတပ်တို့ရဲ့
ဒူးထောက်ရာ မြေနန်းလေး
အနောက်မုဒ်ဦးအဝင်လမ်းလေးပါပဲလေ

ဗျိုင်းဖြူလေးတွေရဲ့ ပဉ္စလက်အတတ်နဲ့
တောကျီးကန်းတို့ရဲ့ မှော်ဝင်ယဉ်ကျေးမှု့
သံလမ်းပေါ်ဖြတ်တင်တဲ့အခါ ဝန်များရာယိမ်းယိုင်ပေါ့
အထိန်းမနိုင်သူတို့သွားရာလမ်း
အသိမ်းမနိုင်သူတို့လားရာဂတိ
အဖြေက ရေပေါ်ဆီ နဲ့ ဆီအောက်ရေ
မြေကြီးကတော့တွေတွေကြီးကြည့်နေတယ်
ဘာပဲပြောပြောပါ
ကိုရေခဲ
ခင်ဗျားကတော့သေပြီ ။   ။  ။


                                                           မောင်ရေခဲ ( အဝတ်နီ )



Wednesday, December 19, 2012

ခံစားရလွန်းလို့

( ၁ )
ခံစားရလွန်းလို့
သူမမြင်ရာသဝန်တို
သူ့ ရှေ့ဆိုငုတ်တုတ်မေ့
ရင်ငွေ့တွေတောင်အေးစက်
တဝက်တပြက်စကားတွေ
ရင်ဝ မှာမြို မြို ချရတယ်
မလွယ်လိုက်တာကွယ်  ။

( ၂ )
ခံစားရလွန်းလို့
ခစားနေကြဒီချိန်
သခင်ကိုမမြင်ရရင်
ရင်မငြိမ်လှ
စိန် မရ  ၊ မြ မလိုချင်
ဒီရင် မှာသူ့ကိုခင်သည်
နေညိုချိန် ပ  ။

( ၃ )
ခံစားရလွန်းလို့
သခင့်ကျွန်းမှာဖြင့်
ထွန်းလင်းတယ် လရွှေရောင်
အမှောင် မှောင်သူခွင်း
ရင်ချင်းတိုင်းမင်းမူတယ်
တို - ရက်ဘူးကွယ်
ရွှေစိတ်တော်ညိုးမှဖြင့်
ပျော်ရွှင်ဖွယ်ဒီရက်
သောကတွေတပုံတပင်နဲ့
ကတုန်ကယင်ညဥ့်နက်နေပါ့မယ်  ။

( ၄ )
ခံစားရလွန်းလို့
အဝေးကြီးဝေးခဲ့ သုံး နဲ့ လေးလို
ငို မရ ၊ ရယ်မရ
ဆယ်ကမ္ဘာ ဆယ်ည
ရင်မျက်ရည် တဖွားဖွားကျ
တားမရ ၊ ဆီးမရ
ငြီးချင်းတွေ တောင်လက်တန်းရပေါ့
ကံကြမ္မာကိုပြန်ကျော့မယ့်နေ့  ။

( ၅ )
ခံစားရလွန်းလို့
နေမင်း နဲ့ လမင်း
အပြိုင် ပြိုင် ထွန်းလင်းကြ
ချစ်ခြင်းတွေအတူလှစ်ပြ ခယ ဝပ်ဆင်း
ငါ ဟာနေမင်းပေါ့
နင့်ရှေ့ကို ဒူးထောက်  ချစ်
ငါ့ ညတိုင်း  နင့်နေ့ဖြစ်
ရက် ( ၃၀ ) မှာတစ်ခါပြုံးပြ
ရုန်းမရတဲ့အဖြစ်သနစ်
ငါ့ကိုယ်ကိုရုန်းရင်းဆံခတ်ဖြစ်တယ်  ။

( ၆ )
ခံစားရလွန်းလို့
အကြွေပန်းတဲ့
နေနမ်းရင်ခြောက်သွေ့
ရက်စေ့ရင်အိမ်ပြန်ရမှာပဲလေ
မပြန်ခင်တဝေဝေဖြစ်ဖို့
ပန်းရောင်တို့ရစ်ချီ
အသစ်အသစ်တွေဆီသို့
မင်းကိုပို့ချင်ရဲ့
ဦးနှောက်တို့ညစ်ဆဲမှာ
ငါ့ ဘက်ကမှားတာပါလို့ မညည်းစေချင်
တကယ်တော့
မင်းကို ရွှင်ပြစေချင်တာပါပဲ  ။

( ရ )
ခံစားရလွန်းလို့
တတွေတွေကျမျက်ရည်ဝေ
အလွမ်းသက်သေဆိုတာသိရဲ့
ကမ်းမရှိ ၊ လမ်းမမြင်တုန်း
ငါ့ ပခုံးကို ကမ်းပေးချင်ရဲ့
ပျော်ရွှင်နေတဲ့အချိန်
ပခုံး ထက်မှာ     မေးတင်
ကောင်းကင်မှာ - က - ကြိုးဆင်ပေါ့
သောက နဲ့ ဖြတ်သန်း ခရီးကြမ်းခဲ့ရင်
ပခုံး မှာ မျက်နှာအပ်
အမောတွေ သတ်ပစ်နိုင်တယ်
ပခုံးငှါးတယ်ကွယ်
နှလုံးသားမရပ်သရွေ့ပေါ့  ။

( ဂ )
ခံစားရလွန်းလို့
ဆောင်းနှင်းကြွေတဲ့ချစ်နယ်မြေ
အဟောင်းတွေ အသစ်ပြန်ဖြစ်
သစ်ပုတ်ပင်ကြီး နဲ့ အတူတူပေါ့
ကလူ ကျီးစယ်ခဲ့ကြ
အတူရယ်မောခဲ့ရ
အတိတ်ဖလင်တွေ တစ်ခန်းပြီး တစ်ခန်းကျ
လွမ်းရ ဆွေးရ
အဲဒီမြစ် ထဲ စီးမြောတုန်း ခဏ
အချစ်ပီ သ ခဲ့ပေါ့  ။

( ၉ )
ခံစားရလွန်းလို့
နှောင်းအတိတ်ရဲ့ လူခြေကင်း ညနေခင်း
အလင်းတွေရဲ့ ကြက်ခြေခတ်နေ့စွဲ
အလွဲဆိုတာ ဖိတ်ခေါ်မဲ ဧည့်သည်
ကြယ်တာရာတွေခေါ်ပြီးခမည်းပေးလိုက်ချင်တယ်
ရင်လွှာတွေမတိုက်စားစေဖို့
ရေကာတာလိုအရာမျိုးရှိရင်လဲကောင်းမယ်
ရွာသူ ကဝေကို ခေါစာကြွေး
လွတ်မြောက်ရေးလုပ်လို့ရရင်လဲအဆင်ပြေမယ်
ဒီလိုဆို
ကံကြမ္မာ ဆင်ခြေမတက်တော့ဘူးပေါ့  ။

( ၁ဝ )
ခံစားရလွန်းလို့
ယွန်းယွန်းသွားတဲ့ ခြေလှည့်နေခြည်က
ထွက်ပြေးလွတ်မြောက်ခဲ့တဲ့ စစ်သုံပန့်လို
နောက်တစ်ရက် ......
နောက်တစ်ရက် .....
လွတ်မြောက်ဖို့ ခက်ခက်လာတယ်
တကယ်တော့
လ တစ်စင်းရဲ့အကျဉ်းခံဖြစ်သွားတာပ
စိတ်လျှော့ ဒူးထောက်လိုက်ရ
ငါ့ကို သမိုင်းမတင်ကြရင်အကောင်းသား
နောက်လူတွေအတုခိုးမှာစိုးလို့ပါ  ။

( ၁၁ )
ခံစားရလွန်းလို့
နေညိုပန်းချီကားရဲ့ ရွှေအိုရောင်လွှမ်းတဲ့ ညောင်ညိုစခန်း
မျက်ခမ်းနဲ့ရစ်ယူ စစ်မူပစ်လိုက်ချင်တယ်
တပ်သားတို့တပ်မခေါက်ရင်ပေါ့
အတွေးတွေနောက်ကန်နေတဲ့ ငတို့ ခေတ်က
အရောင်ညစ်ညစ်တွေလှလှချယ်
ရယ်ကြည့်ချင်တာတောင် မလွယ်မှတော့
အတွယ်အတာမဲ့တတ်လာတာလဲ
သဘာဝကပေးတဲ့ဆုတစ်ခုလိုဖြစ်
ငါတိုးဝင်မိတာသဘာဝကျပါတယ်လေ   ။

( ၁၂ )
ခံစားရလွန်းလို့
သူဖို့ ကိုယ့်ဖို့ဆိုတာ
ချိန်ခွင်လျှာ တစ်ဖက်ညွှန်ပေါ့
ရက်ရောခဲ့ ဒီရင်မှာ
အသွင်မှာမညီသော်လည်း
အသဲ မှာ သူမျက်နှာတံဆိပ်
ခပ်ခဲ့သည်ပဲ
အပြစ်တွေဘယ်လိုရှိရှိ
အချစ်တွေဘယ်လိုပစ်ပစ်
မမြင်ရက်သူ့ဘက်ကို
ပြစ်ပြောနဲ့ဆို
ကံကြမ္မာသူငြိုးရက်မှ
မပြန်သာလမ်းထက်ရောက်လဲ
ရင်ထဲထိသူရှိဆဲကွယ်
အလွှဲသာ သူ့အသဲမှာဖြင့်
တစ်ပဲသာ သူ့မောင်ချစ်မှဖြင့်
တွေးတော့ဘူးကွယ်
ခံစားရလွန်းလို့..............
ခံစားရလွန်းလို့...ပါ     ။



မောင်ရေခဲ

Wednesday, October 3, 2012

လိပ်ပြာ အမှတ် (၁)

            ( ၁ )
ရင်ရစ်ဝဲနေတဲ့ လိပ်ပြာငယ်
ဘယ်ဆီဝယ် ဘယ်ကမ္ဘာမှာလို့
အဆိုမသွင်း ချင်ပေမယ့်
အေး မြ လင်း သစ်
ချစ်ခြင်းပြည့်ကမ္ဘာတစ်ခု
ပြီးတော့
ကဗျာတစ်ပုဒ်
ရင်ဘတ်က အတ္တစစ်တပ်ကိုရုပ်သိမ်းပြီး
မင်းကိုပေးချင်တယ်
အရုပ်တွေနဲ့ ကြွယ်ဝနေတဲ့
ဟောဒီကမ္ဘာလောကကြီးမှာ
ငါ့ ကိုယ် ငါ အရုပ် အဖြစ်ဖန်ဆင်း
နင် သွားလိုရာ ....
နင် ထားလိုရာ .....
အရာရာပြည့်စေဖို့
ငါ  ...
ရင်ဘတ်သွေးထားတယ်  ။

      ( ၂ )

ချစ်သောလိပ်ပြာငယ်
အေးချမ်းတည်လှတဲ့ရုပ်သွင်
ထာဝစဉ်
ပြည့်စေသား
ငါ ..ဆုတောင်းပေးမယ် ..။
မီးတောက်တွေတလွင့်လွင့်
ခပ်ရင့်ရင့်အတ္တတွေ
ရင်ဘတ် နဲ့ ဆုပ်ကိုင်ပြီး
ထုပ်တိုင်ထက်မှာ ..
ဆုတောင်း အမှားဆိုတာမျိုး
ရင်ပြရိုးမှာ မထားပါရစေနဲ့
စစ်ဘေးတို့ သင့်တတ်ရာ
ဟောဒီ မြေကြမ်းပြင်မှာ
ဆွတ်ပျံ့ လွယ်အေးမြမှု့ မျိုး
ဖြစ်ရမှာ စိုးလွန်းလို့ပါ   ။


   ( ၃ ) 

ချစ်သောလိပ်ပြာငယ် 

 ဆယ်သက် ဆယ်ကမ္ဘာ ချစ်မယ်လို့ 

သူတို့ပြောကြတယ်

ငါမပြောတော့ဘူးနော်
တကယ်ဆို
 ငါ့ ..  ရေတွင်းအိုက
 နင့်ကြောင့်သစ်လွင်ရတာပါ
နက်ဖြန်ဆိုတာက
ပြန်ပြေးဆွဲခံရတဲ့လူတစ်ယောက်လို
ငါတို့ကိုကယောက်ကယက်လုပ်တတ်တယ်လေ  ။

         ( ၄ )

အို ကံကြမ္မာ ...
ငါ့ ကို ငဲ့  ပါ
 ငံ့ လင့်ပါ
တကယ်ဆို စခန်းမသင့်လို့ဝေးကြတာပါလို့
ဆင်ခြေတွေနဲ့ငါ့ကိုမချည်နှောင်ပါနဲ့
တိမ်တောက်ချိန်ဆိုရင်လဲ
ရွှေအိုရောင်တွေသုံးပြီး
အိပ်မက်အသေတွေမပို့ပါနဲ့
ကံကြမ္မာရေ
ဒီမှာ ...
လက်ကျန်မိုးတောင် ခိုးခိုးရွာနေရလို့ပါ
   ။

  ( ၅ )

ချစ်သောလိပ်ပြာငယ်
အိပ်မက်မှိုင်းပျပျအောက်မှာ
ရောက်ရာပေါက်ရာ
ငါ သွားရမယ်ဆိုရင်
နင့် ရဲ့ ဘေးမှာရစ်ဝဲ
ဝိညာဉ်တွေအသံမဆဲသေးတဲ့
ကိုယ်ရံတော် အရိပ်ကလေးပဲဖြစ်ချင်ပါရဲ့  ။
 

   

 ( ၆ )

ချစ်သောလိပ်ပြာငယ်
လည်ဝယ်ရာ
နယ်ပယ်မှာ
အပျော်တွေငယ်ထိပ်တက်
တရိပ်ရိပ်ပျော်ရွှင်နိုင်ပါစေ
အပျော်တွေရစ်ဝဲ
အချစ်ကမ္ဘာထဲကထွက်မြောက်
ငါ့ ကို မေ့ပျောက်နိုင်ပါစေ
ကမ္ဘာကြီးကျဉ်းချုံ့ရာ
ဂြိုဟ်သားများရဲ့ကမ္ဘာမှာ ပျော်ရင်း
အခင်းအကျင်းအပြည့်အစုံနဲ့
ရပ်တည်နိုင်စွမ်းတွေနေသားတကျနဲ့
အတိတ်ဒဏ်ရာတွေအနည်ထိုင်ပါစေကွယ်...။
                                 
                                        

                
              မောင်ရေခဲ
                                                                      15/9/2012