ကော်နရှင်ခါးခါးကို ရေမရောဘဲမျိုချ
ဒီညလဲ အိပ္ပ်က္တာပဲ အဖတ်တင်ခဲ့ပေါ့
မှတ်တမ်းတင်ခွင့်မရတဲ့ ဟော့ဒီ ည
ခပ်ဆဆ မောင်းထုတ်
အရုပ်ကမ္ဘာကိုပြန်မရောက်ချင်ဘူး မေမေ
တေလေ တစ်ယောက်ရဲ့ခွန်းထောက်ဟာ မိုးလင်းဂီတ နဲ့မတန်မှန်းသိရဲ့
မျက်စိကိုဇွတ်မှိတ် လက်နှစ်ချောင်း ဖျက်ကနဲ့ ဆန့်တန်း
အိုးးးးးး မတန်မရာ ဗုဒ္ဓကိုတမ်းတ မိပြန်ရော
လောကရဲ့ အမြီးအမောက်မတည့်လှတဲ့ ခေါင်းတစ်လုံးကို
ပန်းစင်္ကြာတစ်ခုအမှတ်နဲ့ ရက်ကြာကြာခေါင်းပေါ်တင်
ရင်ဘတ်နဲ့တောင်ဦးညွှတ်ခဲ့ပေါ့
လျော့မသွားခဲ့ပါဘူး
ရူးသွပ်မှု့တွေကိုပေါ့
ဘယ်လောက်ပဲခါးခါး ဆေးခါး ကြီးမှမဟုတ်ဘဲကွယ်
ဓားလွယ်တစ်ခုတ်မှာ အစာသွပ်အရုပ်တစ်ခုနဲ့အစားထိုးရုံပေါ့
ရေးတွင်းပျက်ကြီးလဲ ဖုံတွေတစ်ထောင်းထောင်းထ နေပြီမေမေ
ဒါပေမယ့်
ကျနော် အားမလျော့သေးဘူး
အသွားခြေလှမ်းတွေဘယ်လောက်မြန်မြန်
အပြန်လမ်းက ပိုနီးပါတယ်လေ
မောင်ရေခဲ
10 August 2013 at 02:51
No comments:
Post a Comment