" ငါ့ " မသိခြင်းများ

အလွမ်းတွေတငွေ့ငွေ့ ၊ ဘုံဓလေ့မှာနေသူတိုင်း

ကြမ္မာရိုင်းနဲ့ဆုံတတ်တယ်တဲ့

ငယ္ငယ္က ဘိုးဘိုး စကား

ငါ ဘယ်အလေးထားတတ်ပါ့မလဲ

အနှစ်နှစ်အလလ စုဆောင်း

သူသရဖူဆောင်းဖို့

ကိုယ်ခန္ဓာရို့ရို့ ၊ သက်ပျင်းတွေညို့

ကြယ်ကလေးတွေတောင်ခိုးခိုးခစ်ခစ်ရယ်ကြပေါ့

တကယ်တော့

ငါ ...သံလမ်းတစ်ဖက်ဖြစ်သွားတာပါ

အရာရာသူ့တွက်တွေး

သူ့တေးတွက်ကိုယ်ဆို

မလိုတော့လွှင့်ပစ်ခံ

ဒါ ...တဖက်သတ်လောကဓံဆိုတာ

ငါ ဘယ္သိပါ့မလဲ

ရွှေငွေတွက် လှုပ်ရှား ၊ ဘဝ ကတုတ်ကြားထဲ

မလူသာ မလွန့်သာ

နွေလေးရူးက ဦးတည်ရာတိုက်ခတ်တယ်ဆိုတာ

ဒူးတည်ရာ တိုက်တတ်တယ်ဆိုတာ

ငါဘယ္သိပါ့မလဲ

အလဲလဲပြိုကွဲ

အကွဲအလွဲတွေ အနီးရောက်ဖို့

အလွတ်အကျွတ် ငါ့ကိုခွဲ

မရဲဘဲ ကျွဲလှည်းစီးချင်တဲ့ ငါ

ခုတော့

ရူးချင်သလိုလိုဖြစ်လာတယ်

ခူးမလို့ကြံတုန်း

တဒုန်းဒုန်း တဝုန်းဝုန်း တံခါးခေါက်သံ

ဘာများတဲ့လဲကွယ်

ကံကြမ္မာတံခါးလာခေါက်သံ

တညံညံ - ညံမဆဲပေါ့

စိတ်တွေကိုရှော့ရှော့ထားရတယ်

မသိခြင်းတွေနဲ့မိတ်ဆက်ဖို့သွားရင်း

တမေ့တမောနေလို့ ငါ ရူးသွားမှဖြင့်

အလို့လိုလေးတွေ တွေးတော

သြော်

တရေးတမောအိပ်အုန်းမှပါလေ

မောင်ရေခဲ