နတ်ဆိုးတွေက ကျိန်စာတွေနဲ့ အလဲအကြဲ ထိုးတတ်လွန်းလို့
ခိုးခိုးလွမ်းနေရတယ်
မိုးတွေတောင်သဲသဲလာပေါ့
အချိုးအကွေ့တွေနောက် မင်းအကြောင်းတွေ အပ်ကြောင်းတွေထပ်
ရင်ဘတ်မှာ သံစဉ်တွေရုန့်ရင်းခတ်တယ်
တံဇဉ်တစ်ချောင်းဖြစ်ချင်လာတယ်
အလွမ်းချင်းငြိကြည့်မိအောင်ပေါ့
ခပ်ထေ့ထေ့တော့မရယ်လိုက်ပါနဲ့
ဒီမွာ ယဲ့ယဲ့ပဲကျန်တဲ့ အနမ်းအချို့နဲ့ မှန်းဆ လွမ်းရလွန်းလို့ပါ
အငွေ့ပျံဖို့ မသင့်တဲ့ အတိတ်တွေ
အရိပ်အနေနဲ့ပဲဖြစ်ဖြစ် ခဏလောက်ဆွဲခေါ်ထားချင်တယ်
အမြတ်နိုးဆုံး ပန်းချီတွေနဲ့ ရစ်သိုင်းထားချင်တယ်
နှလုံးသားနဲ့ သပ်ရပ်စွာထုဆစ်ထားတာပါ
ဂျုံးဂျုံးကျသွားလဲ ငါ့ကံမခိုင်လို့ပဲမှတ်ယူလိုက်တော့မယ်
အဆုံးတွေ ငါမတွေးတော့ဘူး
မျက်စိတွေအိပ်တန်းမလွှတ်ရဲတာပဲခက်တယ်
ရက်ရက်စက်စက်ခွဲခွါသွားတယ်ကံကြမ္မာရယ်
အလံစိမ်းတော့တစ်ချက်လောက်လွှင့်ပေးပါ
ဝေးကွာခဲ့တဲ့ရက်တွေအတွက် သက်ညှာထောက်ထားပေးပါ
အခေါက်ခေါက်အခါခါ ရွက်လွှင့်ခဲ့တဲ့ငါ့အိပ်မက်တွေ
တိမ်တိုက်တွေလိုလွင့်မျော
ကသောကမျော ရောချခဲ့ရတဲ့ ရင်တွင်းမျက်ရည်တွေ
ဒီမိုးရေတွေနဲ့အတူ ရောချလိုက်ချင်ရဲ့တော့ကွယ်
တိတ်တိတ်လေးမှရော့သွားရော့သွားပေါ့
မောင်ရေခဲ
July 31, 2013 at 2:54am
No comments:
Post a Comment