သူငယ်ချင်းရေ
ဒီတစ်ခါ
ငါ့မွေးနေ့
မနေ့ကအကြိုအဖြစ်
တောလဲသံတွေနဲ့ကြိုဆို
အငိုတရားတွေတွေ့ခဲ့ ကြားခဲ့ပေါ့
ဘဝကို အငိုတရားတွေနဲ့
ဒီနေ့လိုနေ့မျိုး
လွန်ခဲ့တဲ့23နှစ်က စ ခဲ့ဖူးတယ်
တန်ဆောင်မုန်းရဲ့ ဆောင်းတွင်း
မိုးပြေးတွေခရီးနှင်ခဲ့ဘူးတယ်
ဒါတွေတဒင်္ဂမေ့
အေမ့ မေတ္တာတရားတွေ ဟောဒီကမ်ဘာထဲ
အမေ့ရဲ့ ရင်ဘတ်ထဲ
ဆောင်းမှာကျတဲ့မိုးသည်းတွေနဲ့အတူ
တသွင်သွင်စီးဆင်းရဲ့
သူရို့ကပြောကြတယ်
မွေးလာတဲ့သား
ကျား တဲ့
သား ဦး စေန ဆိုတာ
ဓားထမ်းကျော်ရတယ်ဆိုပဲ
ဒါတွေကိုအသာထား
အမေ့မေတ္တာတရားနဲ့ချွေးသိပ်
ရိုးရာတွေကိုနှိပ်ကွပ်ခဲ့တဲ့အမေ
ယဉ်ကျေးမှု့နဲ့ ဘာသာတရား
စေ့စပ်အောင်သင်ကြားပေး
မျိုးစေ့တွေဝေစေတဲ့အမေ
ခေါင်းမှာအလံဖြူတွေစိုက်လဲ
သီအို်ရီတွေရိုက်သွင်းပေးခဲ့တဲ့အမေ
မျက်လုံးတို့ပြာရီ
ဘဝအလီကိုသင်ကြားပေးခဲ့တဲ့အမေ
မျက်နှာတို့လှိုင်းထန်
ဘဝရန်တွေကြား - ကျားကန်ပေးခဲ့တဲ့အမေ
တဖြေးဖြေးပြန်တွေးရင်း
တရေးရေးဂုဏ်ယူနေမိတယ်လေ
မောင်ရေခဲ(အဝတ်နီ)
12/12/2012 -တွင်ကျရောက်သော
ကျနော့် မွေးနေ့ တွင်
အမေ့အတွက်ဂုဏ်ပြု ကဗျာ
No comments:
Post a Comment