ဝိညာဉ်တွေပျော်မြူးတဲ့ည
အလင်းရောင်ဖြာကျနေတဲ့
ပြတင်းပေါက်ရဲ့မျှော်လင့်ချက်
ရွေးချယ်ခွင့်မရှိတဲ့သံယောဇဉ်
ဗလာကျင်းပြီးဖြစ်တဲ့ ရင်ဘတ်
ခပ်နက်နက်တူးလို့မရတော့တဲ့အလွမ်းတွေ
အခု
မခမ်းနားတော့ဘူးလေ
ကန်ဘောင်လေအဝှေ့မှာ
ခပ်ထေ့ထေ့တေးသွားလေးတွေနဲ့အတူ
ဒီနေ့
အချစ် နေ့ လို့သတ်မှတ်မယ်
စည်းတွေကိုခဝါချ
ထပ်တူကျတဲ့အရာတွေရှိသရွှေ့
ဒီနေ့ဟာ မကုန်ဆုံးတော့ဘူး
အာဒံ နဲ့ဧဝ တို့ရဲ့ ဆုံမှတ်တစ်ခု
ငါတို့တွေရဲ့ မှော်ဝင် လက်တစ်စုံ
နေ့ရှိသရွှေ့ကခုန်နိုင်ဖို့
ကဝေတစ်ကောင်ရဲ့ အသက်တစ်ချောင်းဟာ
မရှိမဖြစ် လိုအပ်တယ်
ဘာဖြစ်လဲကွယ်
ဆောင်းနှင်းအဝတ်ကိုခြုံ
ကျောင်းတော်ကြီးရဲ့လမ်းဆုံမှာ
ငါ ....နွေ ကိုမလွမ်းတော့ဘူး
ရင်ခုန်သံတွေမခမ်းသရွေ့
ဒီနေ့ပဲတမ်းတတော့မယ်
မောင်ရေခဲ
No comments:
Post a Comment