ရင်ဘတ်ရဲ့ ခပ်စပ်စပ်ဒဏ်ရာအချို့

နတ်ဆိုးတွေက ကျိန်စာတွေနဲ့ အလဲအကွဲ ထိုးတတ်လွန်းလို့

ခိုးခိုးလွမ်းနေရတယ်

မိုးတွေတောင်သဲသဲလာပေါ့

အချိုးအကွေ့တွေနောက်  မင်းအကြောင်းတွေ အပ်ကြောင်းတွေထပ်

ရင်ဘတ်မှာ သံစဉ်တွေရုန့်ရင်းခတ်တယ်

တံဇဉ်တစ်ချောင်းဖြစ်ချင်လာတယ်

အလွမ်းချင်းငြိကြည့်မိအောင်ပေါ့

ခပ်ထေ့ထေ့တော့မရယ်လိုက်ပါနဲ့

ဒီမှာ ယဲ့ယဲ့ပဲကျန်တဲ့ အနမ်းအချို့နဲ့ မှန်းဆ လွမ်းရလွန်းလို့ပါ

အငွေ့ပျံဖို့ မသင့်တဲ့ အတိတ်တွေ

အရိပ်အနေနဲ့ပဲဖြစ်ဖြစ် ခဏလောက်ဆွဲခေါ်ထားချင်တယ်

အမြတ်နိုးဆုံး ပန်းချီတွေနဲ့ ရစ်သိုင်းထားချင်တယ်

နှလုံးသားနဲ့ သပ်ရပ်စွာထုဆစ်ထားတာပါ

ဂျုံးဂျုံးကျသွားလဲ ငါ့ကံမခိုင်လို့ပဲမှတ်ယူလိုက်တော့မယ်

အဆုံးတွေ ငါမတွေးတော့ဘူး

မျက်စိတွေအိပ်တန်းမလွှတ်ရဲတာပဲခက်တယ်

ရက်ရက်စက်စက်ခွဲခွါသွားတယ်ကံကြမ္မာရယ်

အလံစိမ်းတော့တစ်ချက်လောက်လွှင့်ပေးပါ

ဝေးကွာခဲ့တဲ့ရက်တွေအတွက် သက်ညှာထောက်ထားပေးပါ

အခေါက်ခေါက်အခါခါ ရွက်လွှင့်ခဲ့တဲ့ငါ့အိပ်မက်တွေ

တိမ်တိုက်တွေလိုလွင့်မျော

ကသောမမျော ရောချခဲ့ရတဲ့ ရင်တွင်းမျက်ရည်တွေ

ဒီမိုးရေတွေနဲ့အတူ ရောချလိုက်ချင်ရဲ့တော့ကွယ်

တိတ်တိတ်လေးမှရော့သွားရော့သွားပေါ့



                                               မောင်ရေခဲ
                                                July 31, 2013 at 2:54am

ငါတို့အလိမ် တလိမ် လုပ်ကြတယ်

ငါတို့အလိမ် တလိမ် လုပ်ကြတယ်

မိုးညတွေကို နွေလိုလိုဆောင်းလိုလိုစီးဆင်းပြ

တိမ်တွေက ညမှောင်မှောင်တေးပဲ ရွတ်တတ်သလားထင်ရ

အချိန်တွေကိုများ ငယ်ငယ်ကဆော့ကစားသလို အလိမ် တလိမ် လုပ်လို့ရသလားအောက်မေ့ရအောင်

ဆေးလိပ်ငွေ့တွေလို့ အငွေ့ပျံ ဆွတ်ပျံ့ပြလိုက်

မနက်ဖြန်ဆိုတာ ကို ချဉ်ရည်ဟင်းတခွက်လိုမြိန်ရည် ယှက်ရည်သောက်သုံးကြ

လောက်ငှ တယ်ဆိုတာ ဟလို တစ်ချက်ခေါ်ရုံ နိဂုံးချုပ်ချုပ်နေတဲ့ ကြယ်ရောင်အောက်

ငါတို့ အလိမ် တလိမ် လုပ်ကြတယ်

ကလိမ် တယ်ဆိုတာ ငယ်ငယ်ကတော့ မုန်းကြိုးလိမ်ပဲမှတ်တာ ခြေ နှစ်ချောင်းလိမ်ရင်လဲ 

ကလိမ် တယ်လို့ခေါ်ဆိုပဲ

ဒေါက်ထောက်ကြည့်ကြည့်နေရတဲ့ မျက်လုံးတစ္ဆေ မျက်ကန်းတစ္ဆေ ထမင်းလုံးတစ္ဆေ ..စတဲ့ 

မီးခိုးတစ္ဆေ တို့နဲ့

ငါတို့ အလိမ် တလိမ်လုပ်ကြတယ်

ရေကြည်ရာ မြက်နုရာ တဲ့ ရေနောက် မြက်ခြောက်တဲ့ နေရာတွေပဲ ဂငယ်ကွေ့က ကွေ့ကွေ့နေတယ်

ဗေဒင်ကပြောတယ် နံပါတ် ရှစ် ဆိုရင်တော့ ကံဆိုးမ သွားရာမိုးလိုက်ရွာဆိုပဲ

ဒါနဲ့ ကြားရ မြင်ရတယ် ဆိုတာတွေကြားထဲ ခဏ ဝင်တိုးကြည့်တယ် ဟုတ်ပ

ငါတို့ ရောက်နေတာ မျက်မမြင် နားမကြားကျောင်းမှမဟုတ်တာ စဉ်းစားရင်း 

မျက်စိတွေဒေါင်ချာစိုင်းလာတယ်

ဒါနဲ့ ဘေးက အဒေါ်တစ်ယောက်ပြောတာကိုမျက်စိဝှေ့နားထောင်ကြည့်တော့

ပဋိစ္စသမုပ္ပါဒ်လာ ဝေဒနာ ဖြတ်တောက်တတ်ရင် ငြိမ်းအေးမယ်ဆိုကြောင်း ပြောရင်း

ဒေါသက မျက်လုံးပြူးကြည့်

လောကရဲ့ ရိတိတိ လှည့်ကွက်

ငါတို့အလိမ် တလိမ် လုပ်ကြတယ်

ခြုံဝမှာ ငုတ်လျှိုနေ့ကြ သစ်ကျားတစ်ချို့ ခပ်ရို့ရို့ အစာရှာတယ် . ယဉ်ပါးနေကျ ရနံ့ များ

အသွားအပြန်ဆိုတာ မေတ္တာမှ မဟုတ်ဘူး ရန်သူမှာလဲရှိတယ် ၊ မာယာအတတ်တွေကလဲ ဟိုပုံပြင်ထဲကလို

မင်းက ကြီးတယ် နှစ်ခါလျှောက်..

လူတွေက မျောက်ကဆင်းသက်လာတယ်ဆိုတာ မှန်သင့်သလောက်ကို မှန်မှန်ပြီးပေးနေရတယ်

ယုံကြည်မှု့လေးရေလောင်းကြည့်ပါတယ် ခါးလိုက်တာ တမာပင်ပေါက်နေတာ ငါဘယ်သိပါ့မလဲ

ငါတို့ အလိမ် တလိမ် လုပ်ကြတယ်

အပုတ်ချလိုက် ဒုတ်ပြလိုက် နဲ့ သူတို့ အလိမ် တလိမ် လုပ်ပြတယ်

ချိုမိုင်မိုင် မစားချင်တော့ဘူးအမေ 

သားကို မှော်ဆရာတစ်ယောက်ဆီပို့ပေးပါ မှော်အတတ်တွေတတ်ချင်လာလို့ပါ

မတော် တရော် အသံတွေ ကယော် ကယော် မြည်သံတွေဆီ မိုးကြိုးလေး တစ်ချက်လွှတ်ရုံလောက်ပါ

ဒါနဲ့ အိမ်ပြန်မယ်ပေါ့ ဒီတစ်ခါ ဂငယ်ကွေ့က ရစ်ခြာခြာအကွေ့ မိုးကြည့်မလား မြေကြည့်မလား

တကယ်တော့ အဆုံးအပိုင်းအခြားမဲ့ စင်္ကြဝဠာကြီးပါ ၊ ကျနော် ခြေတွေကတော့ တုန်ရီတုန်း

ဂငယ်ကွေ့ ကများရယ်တတ်ရင် ငုံ့ရယ်နေမလားပဲ ၊ နေပူခေါင်လယ် မိုးရွာတတ်တယ် ဆိုပြီးပေါ့

ဒါနဲ့ စိတ်အခြေကိုကျောက်ချကြည့်တယ် ၊ ဟုတ်တယ် ၊ အဆုံးစီရင်စနစ်ထွန်းကားလာတဲ့ဒီနေ့တွေမှာ

အလိမ် တလိမ် လုပ်လို့မရဘူးဆိုတာကိုပေါ့

                                         မောင်ရေခဲ

ဆန္ဒတစ်စုံတစ်ရာ

အလွမ်းတွေရင်မှာပြည့်တောင်မှ

ပန်းသခင် ရင်မှာ မလန်းနိုင်ဘု

ကြွေကျရာ ပန်းပွင့်ခဲ့ရင်လ

စေ...စေ ..ရာ မြင်တိုင်းပန်းတွေပ

လွမ်းတိုင်းပွင့်စေ

နွေတေးတွေမဆိုခိုင်းပါနဲ့

အနေဝေးသူ 

အပူ မီးတွေကဲ

ဗလောင်းဆူ ရင်သတ်ကွင်းထဲမှာ

သံစဉ်ပျက် ကာရံမဲ့ လေတော့

 တေးသီရာနွေကာလမှာ

ဥသြ ကိုဘယ်လိုပြောပြရပါ့မလဲ

မျက်နှာပူတယ်

အပူကြွယ် ရင်မှာ မအေးသူရဲ့

ဒီလူ မှာ ရင်မငြိမ်းနိုင်ဘု

မျှော်တော်ယောင် သဉ္ဖာခန်းမှာ

အလွမ်းတွေမသိမ်းပိုက်မိစေဖို့

မှန်းမျှော်ရာ သခင်ပျော်စေဖို့

ရော်ရမ်းကာ သပြေခက်တွေနဲ့

နေ့ရက်တိုင်း ဆုမွန်ခြွေ

သူ့သခင်ရင်အေးစေသား

တူပေါင်းရွယ် သံသရာမကုန်သရွေ့ပေါ့

ယခု နှောင်းချိန် ဘဝဆုံးတဲ့အထိ

ကောင်း-ဆိုး တွေ မရိုးအောင်ချည်နှောင်မြဲကာပ

သေကောင်ပေါင်းလဲ အဆုံးသတ် ပြီးတဲ့အထိ

ရင်ချင်းအပ်ခရီးဆက်

ဘဝတိုင်းလက်ဆက်ချင်မိပါရဲ ။

မောင်ရေခဲ(အဝတ်နီ)

မင်း နဲ့ ပက်သက်လာရင်

မင်း နဲ့ပက်သက်လာရင်
ကိုယ့်ရင်ဘတ်ကိုယ်ကို ဝန်မခံရဲခဲ့တဲ့စကားတွေ
ခုထိ ရှိရဲ့
အလွဲတွေ နဲ့ မိတ်ဆွေဖြစ်ပြီးတဲ့နောက်
အလုပ်လုပ်လွန်းတဲ့ ငါ့ ဦးနှောက်တွေ
စေးကပ်တဲ့ သဘာဝတွေကို ပိုင်ဆိုင်လာတဲ့ ငါ့ နုတ်ခမ်းတွေ
အသာကြည့်နေတာတောင်
အသာတကြည့်မနေနိုင်တဲ့ မနက်ဖြန်တိုင်းအတွက်
ငါ မင်းအတွက်ပါ ရောပြီး စိုးရိမ်ရတာပဲလေ

မင်း နဲ့ ပက်သက်လာရင်
အလွမ်း အဆွေးတွေကို ကြိုသောက်လို့ရတဲ့အတတ်
မှော်ဆန်စွာ တတ်လိုက်ချင်ရဲ့
ကော်ဖီ ခါးခါး တစ်ခွက်လို
ခပ်ရှရှ ငိုကြွေးတတ်တဲ့ ဥသြငှက်ကလေးလို
ပမာတွေ နှိုင်းပြီးရင်း နှိုင်း
ကောင်းကင်းပြာကြီးတောင် ဆေးသားပျယ်လုလုပေါ့

မင်း နဲ့ ပက်သက်လာရင်
နောင်တ ဆိုတာ
ရင်ဘတ်ချင်း ညှိ ပြီး သံစဉ်ထွက်တာနဲ့
" ထောင်း " ခနဲ အသက်မဲ့တယ်
ချစ်၏ ၊ အပြစ်မရှိဆိုတာ
ဒါမျိုးထင်ရဲ့

မင်း နဲ့ ပက်သက်လာရင်
အကိုင်း အခက်တွေ အသာထားလို့
ယုံကြည်မှု့ တံတားလေးပဲခင်းထားလိုက်ချင်ရဲ့
အို ဟောင်း နွမ်း နေတယ်လို့တော့ အပြစ်မတင်ပါနဲ့
ပျိုမြစ်နေတယ်ဆိုတာ
ကမ်းပြို နေတဲ့ ရင် နဲ့
သခင် လှမ်း အကြို ကိုစောင့်မျှော်နေရဲ့

မင်း နဲ့ ပက်သက်လာရင်
ငါ့ နှလုံးသားက ဗလာမပါ ကံစမ်းမဲနှိုက်နေတယ်
နတ်ဆိုးတစ်ချို့က မျှော်လင့်ခြင်းတွေဖျက်ဆီးခဲ့တယ်လို့ ယူဆခဲ့ရင်တောင်
မျှော်လင့်ချက်တွေ ဖြစ် မြဲ ဖြစ်
တကယ်တော့
အချစ်ဆိုတဲ့စနစ်က သင်ရိုး မပြောင်းဘူးထင်ရဲ့

မင်း နဲ့ ပက်သက်လာရင်
အတိမ်း အစောင်း တွေများလွန်းလို့
ငါ ဒရိုင်ဘာမလုပ်ချင်ခဲ့ဘူး
အရူး အမူးဆိုတာ
ငါ့ အတွက် တေးသွားတစ်ပုဒ်ကိုဖြစ်လို့
ပစ်ပယ်ဖို့ဆိုတာတွေ
အရောင်လှလှတစ်ချို့နဲ့သာ ပယ်ဖျက်စေချင်သူပါ

ခုတော့
မင်း နဲ့ ပက်သက်လာရင်
မင်းဟာ ငါ့အတွက် အံ့ဖွယ်ရှိလှတယ်ဆိုတာကို
ဆေးလိပ်တို
နေညိုတဲ့အထိ
သိမ်းဆည်းထားမိလေရဲ့

                                                                                  မောင်ရေခဲ(အဝတ်နီ)

အတ္တ နဲ့ စစ်ခင်းခြင်း

ငါက ယတြာ အချေမှားခဲ့သူပါ

ငှက်ကလေး တွေကိုလွတ်လပ်စွာပျံသန်းစေခဲ့ပြီးမှ

သစ်ပင်မစိုက် ဘူးလိုက်သူ လို

ဖုန်တောင်းယာစကာတွေကိုအစာရေစာကျွေးပြီးမှ

နတ်ကွန်းမဆောက်ဘူးလိုက်သူလို

တကယ်တော့

ယုံစားမှု့တွေကို အန်မထုတ်ခဲ့တာပါ

ငါ-လာခဲ့တာ လူ့လောက လေ

မျက်စိမရှိတဲ့မျက်စိတွေတပ်ဆင်ထားကြ

နားမရှိတဲ့နားတွေကို တပ်ဆင်ထားကြ

အစကဘယ်ရိပ်မိပါ့ မလဲ

တိတ်တိတ်ကလေးထွက်ပြေးပြေးနေတဲ့

ရိုးသားမှု့နောက်က မရိုးသားမှု့များ

မျက်ကြည်လွှာနောက်က

အနက်ရောင်မီးတောက်များ

အခေါက်ခေါက်အခါခါဖြတ်နင်းတော့

စိတ်ကိုစိတ်နဲ့အသတ်ခံလိုက်ရတဲ့ဝိညဉ်လို

မောလျ နွမ်းကျ

ငါက ယတြာ အချေမှားခဲ့သူပါ 

အသက်မှားသွင်းမိတဲ့ ပညာမဲ့အတတ်သင်ဆရာလို

ကလေးချော့တေးအစား

သေနတ်ဆိုတာ.............

ဟစ်ကျွေးခဲ့တဲ့ တစ်ချိန်က သူ ကြီးလို

နှောင်းခေတ်မှာတော့

လူ့ကျင့်ဝတ်တွေကို ချချ ရောင်းနေကြတဲ့ 

ငှတ်တစ်သိုက်လို

လည်ချောင်းဝ မှာပဲ ပလုံစီရင်း 

ကျွံဝင်သွားတဲ့ စကားလုံးတွေလိုက်ငေးနေရတဲ့ 

ငါ့အဖြစ်

တကယ်တော့

ငါက ယတြာ အချေ မှားခဲ့သူပါ

ပိုးကြေး ပန်းကြေး အတွက်

ပန်းတစ်ခက်ကို လှမ်းသတ်ခဲ့တဲ့ နေ့ရက်တွေ

ပန်းပွင့်လှလှလေးတွေ ပန်ဆင်ခွင့်မရခင်ပဲ

ပန်းပွင့်ကကြွေနှင့်ပေါ့

အသူရာတွေနဲ့စစ်ခင်းခင်းနေတဲ့ သိကြားမင်းလို

ငါ့အတွေးတွေ အဝေးမမှုံရင်

ဒီ ကဗျာကို ငရုပ်စုံထဲထည့်ထောင်းမယ်

နောက်ဆုံးတော့လဲ

ရင်ဘတ်တွေ တလိပ်လိပ်အံကြိတ်လို့

အိပ်တန်းတက်မနက်တိုင်း မသာ မယာရှိခဲ့တာပါပဲ

အတုံးအရုံး တဲ့ အယ်ဒီအသံကြားရင်

ငါ ရင်နာလို့မဆုံးဘူး

ဘုံပျောက်ရင်း ရူးရူးသွားကြတဲ့

လက်ဖြန့်ခံတွေအတွက်ပေါ့

အလဲလဲ အကွဲကွဲ

ကိုငှက်ကြီး ရဲ့ တစ်နေ့စာအလွဲများသီချင်းကိုညည်းရင်း

ငါက

ယတြာ အချေ မှားခဲ့သူပါ

 

 မောင်ရေခဲ

 

 

 

မသဲမကွဲ အိပ်မက်အချို့

မဆိုင်တဲ့ သစ်အိုပင်အောက်
မဆိုင်တဲ့ ငှက်တွေက
အငန်းမရ နားလို့
ရုတ်ရုတ်တော့မလုပ်နဲ့ 
သစ်ငုတ်တွေတောင်ပြာချနေတဲ့ ခေတ်ကြီးထဲ
လူဖြစ် နာသွားမယ်
သွားတဖြဲဖြဲ ဝံပုလွေလောက
ဇာတ်ဆောင်တွေများတဲ အခန်းတွေက ကန့်လန်တွေများ
ဇာတ်မတိုက်ဘဲ " က " နေသော လောကလူရွှင်တော်များ
တသောသောနဲ့ မဟောဘဲရယ်နေသော ပရိသတ်များ
များတကာများထဲမှာ
အလွယ်ကြိုက်က အဆိုးဆုံး
ရိုးရှင်းပါတယ်-လို့မကြွေးကြွော်နဲ့တော့
ဈေးတွေပေါနေလို့
ချောဆွဲစရာတွေရှားလို့ဗျာ
ဘာသာတရားကိုတောင် အလွတ်မထားခဲ့
ချွတ်ခြုံကျခဲ့တဲ့ ဝိညာဉ်တွေကတစ်ပုံတစ်ပင်
လွင်ပြင်မှာပြန်ကျဲ
သဲကွဲပါတယ်ဆိုတဲ့ အနာဂတ်တွေတောင်စီးမျောခဲ့
လောကဓံကို ကြိုတင်လေ့ကျင့်ခဲ့တဲ့
သံလွင်ငှတ်တို့ရေ
ဒူးမထောက်ခဲ့တဲ့ မင်းတို့ရဲ့
နှလုံးသွေးတွေနဲ့ ဒို့တွေလည်ပတ်ခဲ့တာပါ
အဆုံးအစမဲ့ခဲ့တဲ့ မျက်လုံးတွေဖြစ်အောင်
မင်းတို့ဖန်ဆင်းခဲ့တာပါ
ဝမ်းမြောက်ပါတော့
မင်းတို့မြင်နိုင်မယ်ဆိုရင်
ဒီတစ်ခါမြင်မိတဲ့မြင်ကွင်း
မင်းတို့တပ်လှန့်မိမှာပါပဲလေ





                                                              မောင်ရေခဲ

နွေတေးမဆိုရ

အလွမ်းတွေရင်မှာပြည့်တောင်မှ

ပန်းသခင်းရင်မှာ မလန်းနိုင်ဘု

ကြွေကျရာ သခင်ပန်းပွင့်ရင်

စေ...စေ ..ရာ မြင်တိုင်းပန်းတွေပ

လွမ်းတိုင်းပွင့်စေ

နွေတေးတွေမဆိုခိုင်းပါနဲ့

အနေဝေးလေသူမှာ

ဗလောင်းဆူ ရင်သတ်ကွင်းထဲ

အလဲ အကွဲ

သံစဉ်ပျက် ကာရံမဲ့ တေးသီရာနွေကာလ
နွေဦးကိုဘယ်လိုပြောပြရပါ့မလဲ

မျက်နှာပူတယ်

အပူကြွယ်ရင်မှာမအေးသူရဲ့

ဒီလူမှာ ရင်မငြိမ်းနိုင်ဘု

မျှော်တော်ယောင် သဉ္ဖာခန်းမှာ

အလွမ်းတွေမသိမ်းပိုက်မိစေဖို့

မှန်းမျှော်ရာ သခင့်အတွက်

နေ့ရက်တိုင်း ဆုတောင်းတယ်

တူပေါင်းရွယ်

သံသရာမကုန်သရွေ့ပေါ့

ဖန် ဖန် လာ လောက ကောင်း-ဆိုး

မရိုးအောင်ဘယ်လို ချည်နှောင်လဲ

သေကောင်ပေါင်းလဲ

အဆုံးသတ်ဘဝတစ်ခု

ရောက်လုတဲ့အထိခရီးဆက်

ဘဝတိုင်းလက်ဆက်ချင်မိပါရဲ့

                                                           မောင်ရေခဲ

တစ်ခါ တစ်လေများ

တစ်ခါ တစ်လေ
စိတ်နာစရာတစ်ချို့က
ရသ..စာဖြစ်လို့

တစ်ခါ တစ်လေ
စစ်ပွဲတွေက
ဟာသတစ်ပုဒ်ဖြစ်လို့

တစ်ခါ တစ်လေ
အချစ်နွဲသူတွေက
စစ်ပွဲတွေနွဲလို့

တစ်ခါ တစ်လေ
ရသစာတွေက
မျက်ရည်တွေပြည့်လို့

တစ်ခါတစ်လေ
သူတောင်းစားတွေက
နဂါးနီသီချင်းဆိုလို့

တစ်ခါ တစ်လေ
အချစ်ကျောင်းသူတွေ
မျက်ရည်ဝေ့လို့

တစ်ခါ တစ်လေ
စစ်ကိုထိန်းကျာင်းသူတွေ
မျက်ထောင့်တွေနီလို့

တစ်ခါတစ်လေ
အရက်သောက်သူတွေ
တရားမူး..မူးလို့

တစ်ခါ တစ်လေ
အပြုံးတွေလက်လက်အောက်
မာယာတွေပြည့်လို့

တစ်ခါ တစ်လေ
နှင်းမျက်နှာဖုံးအောက်
အပူမီးတို့ဒူးထောက်လို့

တစ်ခါ တစ်လေ
စိတ်ခြေရာတွေက
အရောင်တွေထပ်လို့

တစ်ခါ တစ်လေ
အသိတစ်ချို့က
နှစ်ချို့ဝိုင်လောက် မလတ်ဆတ်လို့

တစ်ခါ တစ်လေ
အသိတွေများပြီး
အသိလက်တွေ ဘေးချိတ်လို့

တစ်ခါ တစ်လေ
ဝင်သက်ထွက်သက်တွေ
ဝင်ပေါက်ထွက်ပေါက်မှားလို့

တစ်ခါ တစ်လေ
ညစ်ညစ်ညမ်းညမ်းတွေ
ယဉ်ကျေးမှု့တွေဖြစ်လို့

တစ်ခါ တစ်လေ
ကျော်ခွ တက်နင်းမှု့တွေက
သူရဲကောင်းဖြစ်လို့

တစ်ခါ တစ်လေ
အကြမ်းဖက်လုပ်ရပ်တွေကို
အောင်သေအောင်သားစားလို့

တစ်ခါ တစ်လေ
ဘီလူးခေါင်းတွေက
ရွှေပြည်အေးတရားပြလို့

တစ်ခါ တစ်လေ
ယဉ်ကျေးမှု့တွေက
အေးချမ်းမေ ရဲ့ တစ ဆီ ကြိုးပဲ့နေ သီချင်းသံပြိုင်ရွတ်လို့

တစ်ခါတစ်လေများ ...................

တစ်ခါ တစ်လေများ ..................

တစ်ခါ တစ်လေများ ...................

                                    မောင်ရေခဲ

မနက်ဖြန်များကိုစောင့်ကြည့်ခြင်း ( ၅ )

အသုံးနှုံးမှားခဲ့တဲ့
မီးပင်လယ်မြစ်တစ်စင်းက
အလင်းမှား ကောင်းကင်အောက်မှာ
လင်းလို့
ချင်းလို့
တသွင်သွင်စီးနေကျ
တောင်ကျချောင်းကလေး
ဒို့တတွေရဲ့ပျော်စံရာမှာတော့
ငယ်ကျွမ်းဆွေသီချင်းအတူရွတ်ဆိုခဲ့တယ်
ထန်နောင်းပင်ရိပ်တစ်ခုမှာ
သံပြိုင်ကဗျာတွေအတူရွတ်ဖူးတယ်
အလွဲတွေတွေ့တိုင်း  အတူရယ်မောဖူးတယ်
နက်ဖြန်တွေတိုင်း  ... ချာလီချက်ပလင်ရဲ့မျက်နှာထားကိုအတုခိုးဖူးတယ်
နိုးထဖို့ခက်တဲ့မနက်ခင်းတိုင်း
" ဂ " ငယ်ကွေ့တစ်ခုလို့ကွေ့ရခဲ့ရင်
ကြယ်တစ်သင်းနဲ့ မျက်နှာချင်းတေ့ပေးချင်ရဲ့
အာရုဏ်အခင်းအကျင်းတွေ
သက်တန့်ရောင်တက်လာကာမှ
သွက်သွက်လက်လက်ခါချ
ဒီခဏတွေတိုင်း
စာလွှာရ ခဲ့တောင် ဖွင့်ဖတ်ဖို့ခက်ခဲပြန်ပါပြီ    ။



                                                   မောင်ရေခဲ

မနက်ဖြန်များကိုစောင့်ကြည့်ခြင်း ( ၄ )

သဘာဝတရားရဲ့ငှက်သိုက်တစ်ခုဆီ
နောင်တ-တရားရဲ့အရိပ်တွေသန်းဟပ်လို့
ကလေးအငိုတိတ်ဖို့
သီချင်းသစ်တွေဖန်းတီးကြတယ်
တစ်ချို့
မျက်နှာလွှဲခြင်းတရားတွေနဲ့အလွမ်းသင့်ကြ
တစ်ချို့များ
ကိုယ်ချင်းစားသလိုတရားတွေနဲ့ကြိတ်ပုံးခုတ်ကြ
တကယ့်တရားစစ်တွေတော့ရှိရဲ့
အယ်ဒီအရာတွေအောက်မှာပါပဲ
သူတို့တွေအော်နေပေမယ့်
အသံတွေအက်ကုန်ပေါ့
နောက်ဆုံး
အလွယ်သုံးလောကဓံထဲသက်ဆင်း
ဒီတစ်နေ့လဲမိုးလင်းခဲ့ပြန်ပါပေါ့လား    ။



                  မောင်ရေခဲ

မနက်ဖြန်များကိုစောင့်ကြည့်ခြင်း ( ၃ )

မနက်ဖြန်ဆိုတာ
မာယာများတတ်တဲ့ကဝေတစ်ကောင်ကိုပိုင်ဆိုင်ထားတယ်
စကားလုံးတွေထဲမှာချော်လဲတတ်တဲ့
ခြေတစ်ချောင်းလဲပိုင်ဆိုင်သေးရဲ့
အတွေးထဲခဏခဏစိုးမိုးတတ်သော
သောက..ဒုက္ခများ...အရာရာလေလွင့်ခံအတွေးတစ်ပိုင်းတစ်စ
ထုံဆေးတွေများနေသော မျက်နှာအပိုင်းအစများ
ခပ်ခွါခွါဖြစ်လာသော ..စိတ်ဝိညာဉ်များ
မျက်ရည်မိုးတွေကို တစ်ကြိုက်လောက်သောက်ချရသလို
ညိုညစ်ညစ်ပင်လယ်မှာ စီးဆင်းကုန်တယ်
ခပ်လွယ်လွယ်သင်ကြားခဲ့ရတဲ့ကျောင်းသင်ခန်းစာတွေ
ဒီတစ်ခါ ဝေလည်ကြောင်ပတ်ဖြစ်ကုန်ပေါ့
တကယ်တော့
မနက်ဖြန်ဆိုတာ
လိုတာထက်ပိုဝေးနေဆဲပါပဲလေ    ။

မောင်ရေခဲ