ရိုးပြတ်တောတွေပြတ်သုံးသလောက်ပဲ
မိုးတိမ်ပြတ်သုံး
မီးခိုးတွေမဆုံးပေါ့
ကျနော့်ရွာ
ဗုံသံတွေကညံလို့
ခပ်ညံညံမြူတွေအဝေးထုတ်
ရုတ်ရုတ်နဲ့
သူတို့ ပျော်နေတယ်ထင်ပါ့
ကျောင်းထိပ်ကပိတောက်ပင်ကြီးတောင်အိပ်မက်ကလန့်နိုးလာတယ်
ငှတ်ကလေးတွေရဲ့ခိုးခိုးခစ်ခစ်ရယ်သံ
ရွာနဘေးကဘုန်းဘုန်းကျောင်းရယ်
ရွာနောက်ဖျားက
လုံမလေးတွေရေခပ်ဆင်းနေကျချောင်းနဘေးရယ်
အော်
ငါနဲ့ခပ်စိမ်းစိမ်းတောင်ဖြစ်နေပါပေါ့လား
နေပျော်တဲ့အရာတွေနဲ့နီးအောင်အလံလွှင့်
ခပ်ရင့်ရင့်နေရက်တွေတောင်ကုန်ပေါ့
ရော့ရော့ကလေးတွေးရင်း
မျက်စိမှိတ်အလွမ်းတွေသောက်သုံးရင်း
ဒီကနေ့လဲ
မိုးလင်းတာပါပဲ။
