" ည " တေး

မြူတိမ်ကင်းတဲ့ည
ခပ်လွလွချတဲ့ခြေတစ်စုံ  ရင်အုံတွင်းသက်ဆင်း
အခင်းအကျင်းစုံစီနဖာ  တုန်ယီကာလှိုက်မောခဲ့ရ  ။

မြူတိမ်ကင်းတဲ့ည
ထယ်ထယ်ဝါဝါလင်းမြ  အဆင်းလှတဲ့ရင်ခွင်နှစ်စုံ
အသွင်ကိုယ်စီခြုံလို့  ပန်ရောင်ကိုယ်ရုံတစ်ခုက
မခို့တရို့ကြွေကျ  ဒီည
သိပ်လှတယ်  ။

မြူတိမ်ကင်းတဲ့ည
သောမနဿဝေဒနာတွေ  တဖွားဖွားသွန်းချ  လွမ်းရတော့မယ့် ဒီည
အနှစ်တွေအခါအခါ ထပ်ပေမယ့် ကံကြမ္မာလေအလွင့်မှာ
ကြွေလွင့်ခွင့်ရချင်ပါရဲ့   ။

မြူတိမ်ကင်းတဲ့ည
ရနံ့စုံပျံကျော်  မောင်ဇော်ဂျီတို့ပျော်တဲ့ည  အလှ  အပ
သူရို့ဖန်ဆင်းခဲ့လေသလား  ထွေရာလေးပါးသုံးသပ်တော့
အဆုံးသတ်အလွမ်းတစ်ပုဒ် သူရုပ်နဲ့သူ ဖန်းဆင်းတယ်  ။

မြူတိမ်ကင်းတဲ့ည
နွဲ့နှောင်းသာယာကမ္ဘာလောက  သြချလောက်အောင် တောထ
ဒီဘဝပြန်ဆုံပါ့မလား  အတွေးနဲ့ရေး
အဆွေးတွေ အဝေးလွင့် ခပ်နင့်နင့် ရင်ဘတ်ကို
ဘယ်အတတ်တွေနဲ့ပြု့စား
ခုများမှ ငါ့ရင်ခွင်ခိုနား
ဒီည
ဘယ်မေ့ရမလဲကွယ်  ။

                                      မောင်ရေခဲ