မသဲမကွဲအိပ်မက်အချို့

မဆိုင်တဲ့ သစ်အိုပင်အောက်

မဆိုင်တဲ့ ငှက်တွေက

အငန်းမရ နားလို့

ရုတ်ရုတ်တော့မလုပ်နဲ့ 

သစ်ငုတ်တွေတောင်ပြာချနေတဲ့ ခေတ်ကြီးထဲ

လူဖြစ် နာသွားမယ်

သွားတဖြဲဖြဲ ဝံပုလွေလောက

ဇာတ်ဆောင်တွေများတဲ အခန်းတွေက ကန့်လန်တွေများ

ဇာတ်မတိုက်ဘဲ " က " နေသော လောကလူရွှင်တော်များ

တသောသောနဲ့ မဟောဘဲရယ်နေသော ပရိသတ်များ

မ်ားတကာမ်ားထဲမွာ

အလွယ်ကြိုက်က အဆိုးဆုံး

ရိုးရှင်းပါတယ်-လို့မကြွေးကြွော်နဲ့တော့

ဈေးတွေပေါနေလို့

ချောဆွဲစရာတွေရှားလို့ဗျာ

ဘာသာတရားကိုတောင် အလွတ်မထားခဲ့

ချွတ်ခြုံကျခဲ့တဲ့ ဝိညာဉ်တွေကတစ်ပုံတစ်ပင်

လွင်ပြင်မှာပြန်ကျဲ

သဲကွဲပါတယ်ဆိုတဲ့ အနာဂတ်တွေတောင်စီးမျောခဲ့

လောကဓံကို ကြိုတင်လေ့ကျင့်ခဲ့တဲ့

သံလွင်ငှတ်တို့ရေ

ဒူးမထောက်ခဲ့တဲ့ မင်းတို့ရဲ့

နှလုံးသွေးတွေနဲ့ ဒို့တွေလည်ပတ်ခဲ့တာပါ

အဆုံးအစမဲ့ခဲ့တဲ့ မျက်လုံးတွေဖြစ်အောင်

မင်းတို့ဖန်ဆင်းခဲ့တာပါ

ဝမ်းမြောက်ပါတော့

မင်းတို့မြင်နိုင်မယ်ဆိုရင်

ဒီတစ်ခါမြင်မိတဲ့မြင်ကွင်း

မင်းတို့တပ်လှန့်မိမှာပါပဲလေ

                                            မောင်ရေခဲ